المساعد الشخصي الرقمي

مشاهدة النسخة كاملة : خيمة الحاردلو .دوبيت ونمة ومسدار


الصفحات : 1 [2] 3

abuswar
07-11-2009, 12:22 AM
لقيتو الناس ثقافة مدن مابتعرف كلاما حار

عاد اركزو الخيمة جاها وليداً ابوه سوار

وداير أعّرٍفكم بي جنسيتي في أول المشوار

شايل من المدن ثقافة الناس الكلام كبار

ومن البادية راضع لبن التجيب التار

شن قولكن في صبي النجار البمسك المنشار

خلونا من الخيمة جيبولنا انتو اشعار

النشوف منو البشيل كاس النمة والمسدار

ويابت عوض الكريم انا في الخيار محتار

خلينا النبدا بيك .. ومسدري ياست الدار

خارج النص:

حرم قطع اخضر

ورد الامل
07-11-2009, 01:31 AM
والله كلام

abuswar
07-11-2009, 01:51 PM
وين اهل الخيمة و الكلام الحار
وين اهل النمة والمسدار
وين يا السرة مهملالنا الدار
نفوت ونجيكم مع الاسحار
نشوف الخيرة ونسوي لينا اذكار
بتنفعنا يوم الناس تقيف قصاد الواحد الجبار
ودعتكم الله ادخلوا وكتروا الاشعار

ahmed jafar
04-12-2009, 07:57 AM
يسلم فمك يابت عوض الكريم

حمد النيل ود قدور
19-12-2009, 11:47 PM
مسدار القميريه
أحمد الفرجوني
’’’’’’’’’’’’’’’’’’لليله البلوم اصبح يقوقي ونوح
وميزان قلبي اصبح من بكانو مفوح
علي بهما لويَن بالنتل مََََََََََََََُُُُسوح
ولي شوفتوبترد الروح بعد ما تروح
,,,,,,,,,,,,,,,,,,,,,,,,,,,,,,,,,
الليله البلوم طربان يقوقي وصيح
والعاشق ينوح لامن صباحو يبيح
عناب الحجاز فدع غصونوبميح
ترا الحارق حشانا ولي قلوبنا مسيح
"""""""""""""""""""
ياقميريه نغمات الغرام ذيديهن
وسوي القوق ونماتك عقب رديهن
علي بهم النديمات الفقر واديهن
لهو سلامي والشوق يام جناح وديهن
"""""""""""""""""""
انز لي فوق فريع قبل الفريق يانايحه
وكتري في الطنين متل الحواره الرايحه
مربوعة بنات لينه رطيبهومايحه
قوليلا السلام ليك يام ضفيرتأ سايحه
"""""""""""""""""""
قوليلا العشوق تعبان اذا هو مطول
يلت من شافو اصبح في العليه متهول
عشان عينيك مباري البي الغفار متجول
لكن اي الممات من عهدو مو متحول
"""""""""""""""""""
كل من شاف بريق في القبله يشلع وجا
يتغافىالمنام من عينو يأخذ لجه
نيران الجحيم ليهو في الفراش منفجه
دكتور الغرام مع اهلو عامل حجه
"""""""""""""""""
قال مرضان هواك لعلاجو مافي طريقه
في كبدو الحراب في خوفو باقه حريقه
قط ما ليه علاج من غير يقرطع ريقا
الا يمددوهو ويمسحو ه بي عريقا
""""""""""""""""""
طارت مني قميرية المحبه وقفت
نافضاهن علي بلد الحبيب خفت
براي خلتني ذي جاهلن يتيم اتلفت
تقطر عيني بي الدمعه الرويه الصفت
""""""""""""""""""""
غمرت وصفقت وضربت هوايأ فوق
وخلست بي رشيشأ اصلو مو ملحوق
نافضاهن قلب والدأرؤف وشفوق
شاهد في المنام دم الصغير مدفوق
""""""""""""""""""


ولكم الشكر
(ود قدووووووور)

ودعابدين
04-01-2010, 04:44 PM
ودشوراني ايضا:
بعد ماكنت تايب وخاشعا متطوع
قلبي الليلة اصبح دافر مركبورومتنوع
الخلاني ذاكر الفوق وسادتو مكوع
تاتاي الفلو وقدم الحمام ماببوع

ودعابدين
04-01-2010, 05:00 PM
[QUOTE=حمد النيل ود قدور;300742]مسدار القميريه
أحمد الفرجوني
’’’’’’’’’’’’’’’’’’[color="blue"][size="5"][font="andalus"]لليله البلوم اصبح يقوقي ونوح
[font="tahoma"]وميزان قلبي اصبح من بكانو مفوح
علي بهما لويَن بالنتل مََََََََََََََُُُُسوح
ولي شوفتوبترد الروح بعد ما تروح

-

الاخ قدور مشكور على المشاركة الرائعة ولكن حفلت المشاركة ببعض الاخطاء مثل : ميزان قلبي اصبح من مكانو مطوح وليس مفوح كماورد وفي قوله القفر واديهن وليس الفقر . وقال مرضان هواك لشفاه مافي طريقة وليس لعلاجه وايضا :خلست بي رشيشا اصلو مو ملفوق وليس مو ملحوق كما اوردتها المفردة . ( نرجو من المشاركين تحري الدقة حتى نحافظ علي تراثنا كما هو )

ابو اية
08-01-2010, 03:47 PM
يا ياقوتة الحضرى الحضارمى زبونك
عازة وغالية طلعن فى التريا تمونك
عاليا ارداف ضامرة هاف وقارن نونك
انكال بالجمال لامن دفق ماعونك

يا تمرة كريمة القاد سبيط عرجونك
لو كان امنوك زاهد الدنيا بخونك
معلومية الذكاء فيها ماهرة فنونك
ربى كساك بالهيبة وصدر قانونك

يا فوسيبة الوادى الروايا مرونك
حب المنقة والانناس حلاتك ودونك
محال ما بتمتعى الحى بهواك وشؤنك
مهوس بيك وقلبى عليك وبقيت مجنونك


قمر السبعتين نورك مضوى دجونك
يقل ويقفد الحيا والصبر مسجونك
واعى الناس يضيع ما بين قسام وهونك
كل المالى مركزو صار قتيل مسنونك

عودتك قامته مربوعة وكحيلة وجونك
خدك دكن الشف والفدى الفى اذونك
ديسك كابى خمر وصندلية دهونك
ماهو غريب على لو كان ساهرنبى طعونك

مختار هو النشاك ورعاك وصف ذهونك
ماك مسيومة فى الاسواق منيعة حصونك
كتير من عاش مدهور وعلقنه ظنونك
نحن برانا ما بختانا سوط عربونك

ظبية عنس الريل المجازى هنونك
جنيبة خيل قيافة ولابسه والكون كونك
يا اميهية الصيف فى خلاك وبقونك
باب ليمك عرج واقف غفر كركونك

ها الايام على مقطوع سلك تلفونك
وقلبى المبلى رتبتيله ميدان قونك
ما دام انتى حاملين السلط فى عونك
ظلمك لى مقبول بالحريص كردونك


يا سجاعة الليل الملولحه غصونك
فاقد سمحه كان ما زاد عليك مو دونك
وين يا جريعة النحل اللذيذ مشنونك
كبدت نوق مسارى ومطرك ليمونك

يا لولية الغواص صعيب مخزونك
قفل واختفى ومنع المودة حزونك
قمح القجة شركه وضحى بمليونك
عسى اوجد لماك واسعد واكون ممنونك

ابو اية
08-01-2010, 03:54 PM
هاهو عبدالفراج يضى اللون الاخضر فى ذكاء ولباقة ببيت من الشعر ينبض بالحياة لينطلقا فى بحور الشعر فى تنافس ادبى رفيع ليخرجا هذه الرائعة التى ستظل خالدة فى تاريخ البطانة وفى مجالس الدوبيت

يبدا عبدالفراج

البن البطقطق وحرق القاليهو
خله مزاجى راحل بجميع ما ليه
مشتول القريرات النتر خوليه
خدر وطرفى شايفو وروحى علقت فيه


الصادق
العين ساقدة بلحيل وقاسى نصحه
ربيع القامة فى سهر الليلى دفحه
رب العزة فى سابع السوامى رفحه
روق ذهنها وفطنها ما صفحه

ودشورانى

واسفاى على صبر الضعف لى وشحه
سببه العارضا فوق شتم النحاس القحه
الخلاقا لين طبعها وسمحه
زولا فدورة النوق فى العجيج قمحه

الصادق
تقيلة المجلس المن القبيح تسحه
من حر شوقا قلبى بنوح ودوفى اتلحه
الخلانى القايله فيك ما بسمعه
مقطوع النصيب بيك نفسه ما متعه

ود شورانى

لهجك كلمة الحنى السبيطه تفحه
اندى نداك يا الشتلة ام ادوبا نحه
الخلانا خلقك بالشكر نمدحه
اردافك فلو وقدمك تقيل ما رحه

الصادق

انتى فريدة العصر ونخيل الشبره
شوفتك تذهب الهم والليالى الغبره
بفر براطمك وقامتك المنتبره
احيتيلى نار قبره البوقد كبره


ود شورانى
البارح نسيم ريحل طلق من جبره
ذكر علقى لود العنانيس هبره
اح من فلانة وجرحها الما بيبره
قلبى عليها نلح بعد اليقين والصبره


الصادق

اخش فى مكتب الريس واصد بالعبرة
انا يا دقمة طشت روحى مى منخبره
الخلانى اتخترا النصيحة وابراه
ياقوتة الحضرى الوازنو ميت عيره


ود شورانى

ارض الله الوشيعة على بقت منشبره
من لهطى وتقربنى كل صاحب يبره
عارفك يا الظهورك مى ردية ودبره
فقدك احر من سم ابلدغتا نبره

الصادق
راسة اديبة عندك فوق ندايدك فوت
ضربك للعشوق كليح سيوف مو سوت
ناس دقمة متلى مهددين بالموت
زى كورة الهلال شاتت قلوبن شوت


ودشورانى
سبيك الخيل ظبى الغفرن بخلاهن
راح يخرب شروط التوبة من منشاهن
فليج بسمها العقد القلوب حلاهن
والسماء والارض يا دقمة فوقنا كفاهن

الصادق
يا عوض الجسوم اتعودن لبلاهن
ميدان العصر وعقب القلوب قالاهن
بدر الكون كبس الظلام ضواهن
العالى والوسط فاز بالجمال خلاهن


ودشورانى
سيدات الشباب ظهر الصبا البخفاهن
زى بدر التمام ما بينات كواكبه معاهن
من حر لهيب شوقهالعضام برعاهن
موج بحر الدميرة علايبه ما بيطفاهن

قلبى الليلة فاك السكة ماشى مخرم
زى مظلوم سلطة المحكمة البتغرم
ماذينا ابسنينا فى كبدى يفرم
سمحا للغنا فوق الخلافو يحرم

انتى مسيكة الفى القيف شابكة نوايبو
انت المجلس الممتاز تهبلى شايبو
ردفك طاوى لبسك فوق متا... جايبو
انتى ثنوك ما حرق كبدنا لهايبو

حمد النيل ود قدور
08-01-2010, 08:35 PM
[quote=حمد النيل ود قدور;300742]مسدار القميريه
أحمد الفرجوني
’’’’’’’’’’’’’’’’’’لليله البلوم اصبح يقوقي ونوح
[font="tahoma"]وميزان قلبي اصبح من بكانو مفوح
علي بهما لويَن بالنتل مََََََََََََََُُُُسوح
ولي شوفتوبترد الروح بعد ما تروح

[line]-[/lin

الاخ قدور مشكور على المشاركة الرائعة ولكن حفلت المشاركة ببعض الاخطاء مثل : ميزان قلبي اصبح من مكانو مطوح وليس مفوح كماورد وفي قوله القفر واديهن وليس الفقر . وقال مرضان هواك لشفاه مافي طريقة وليس لعلاجه وايضا :خلست بي رشيشا اصلو مو ملفوق وليس مو ملحوق كما اوردتها المفردة . ( نرجو من المشاركين تحري الدقة حتى نحافظ علي تراثنا كما هو )


ودعابدين الليله زارنا الخير
وبي جيت الاصيل الليله شد الحيل
راجينك زمان ترفع تعدل الميل
يا ود عز الرجال يا زينة شباب الجيل

اخي ود عابدين [FONT="entbah"]/لك الشكر على هذا التصحيح والله ما يعدمنا جد[COLOR="Blue"][SIZE="6"]يدك

حمد جبراللة الجابر رضوان
24-01-2010, 07:40 PM
زمن دابيك بكر علي صيحة الحيران
تشهدلك عنيبة محدرين فرسان
صبغه يوت ترابك للجروحو مكان
شاشاتك من مهوي تبر اب علو اب كيعان
لحافاتك نضاف ما فهن الوسخان
ملاياتك تبر واب لبلب اب كعان
هواك حقن الملاريا سلفك الريحان
كتير الضايق فيك نومة الكيعان
ما كان الحكيم دار باشا اب عدلان
دكتور ود كسيبة بشرح المرضان
زمن بحر اب زبد بستورد الحقان
العملية بي سلحاتا عن حسان
عماره بقطع القلب بعالج المصران
غياراتو القرض وب لبلب اب كعان
ان غرق الجرح بخافو من عفنان
بدقولو البصل بملوهو ذي ما كان
بربطولو المهادات بضبحولو سمان
الكرتينة بيت البلزم المرضان

حمد النيل ود قدور
31-01-2010, 03:38 PM
جايك من بعيد واقع وقعتا شينـــــــة
بي حكم الله نقــــــــبل شئنا ولا ابينا
ما كنت الاخير لاني الــــبهم واضينة
بس حالي العلي كل يوم ببيت بغبـينة

ياخواني رايح عقلي وحارة علــــى الشورة
بت الناس بدورا الا الظروف مجبـــــــــورة
ماظرف القروش باقي النفس مقـــــــــهورة
ووحات سيدي الحسن احلامي شفت قبورا

حمد النيل ود قدور
31-01-2010, 04:23 PM
كان العرب نازلين في مكان ..وجا احمد ود عوض الكريم والصادق من البريسي..والوطا صباح ..والصادق حلب شدوقو في العرب كورك:اروروروووك..علي طول حسو..
وكل زول شال سيفو وجوا جارين قايلين في مشكلة ..
يا زول الحاصل شنو؟؟
قالهُن: حرّم عوجة مافي ..الجملُو قريب يشِد ..
شنو ؟؟
قالهُن "وزنين" فتوها في "القِليتة" .. نمشي نشوف هي ماسكة درب القِداما والله سوّتلها راي براها..
وهسع الحقيقية الجملو قريب كلو شدّا ..
قيّلوا في الصُباغ وإتراوحو في ريرة ..وباكر الضِحى جوا عِندها..
قدُر ما شافت الرَكُب ماشي علي البيت..وكان نازل في بيتا عبد اللهِ ود شوراني شبّحت البيت زادتو..مرقت علي الجُمال دلّت البِتقدرها..
والكيف جبنة بس ..
وجابت الموية اسقتُن ..وولعت الفحم يتهوزز مِتِل مَغس اللقربين ..وإشتغلت علي الجبنة ..
وهسع ختت الفناجين متل وليدات الفَصُل ..ومَلتِن على قدر المجتمع.

أحمد ود عوض الكريم قال : في حُكمُ مَجلَس : المابجيب غَنوة فوق "وزنين" دي ما يشيل فنجانو..
قالولو : غن آ شيخ أحمد..
قال: لا ..السابقك علي الباب قولو يا أرباب ..هو فرض يغني ود شوران دا ..
ود شوران قالُو:
قالي:
سمحة وضوقها لبن صهباء ودخلها مبسّط
شرفتا رِيل وكفيتا خيل وطُولها موّسط
من تاتاي قدومها وخطوتا الإنرصت
حسيت قلبي فارقني وكبِدتي إنقصت

دا ود شوران.
ادتو فنجانو .
وإتلفتت على الصادق كشمت.
الصادق قالها:
لحظ ابصارو حتى اللحظة لي بصّاها
فرّا فواطرو تمرة فؤادي كع قصّاها
قدر ما اقول يطول الون علي أنساها
مجلوقةً تقبّض في البدن داساها

احمد عاين عليها هي ..
قاليها:
شماليقك نُضاف وصباكي ناقِع ماها
رُوبتِك قامِتك المربوعة تب قاسماها
جميل جِيدك مسجل والعقول لاسماها
دعجات خد وفادعاً في البهيم باسماها

وداهو علي بلة ود اب شُكُر.. قالُو:
[color=#660033]نفسي الخاينة ابت الزاد وطريّت كيفا
هادي قصبة سقادي الموجا كاضم قيفا
معشوقتي الجميلة وديسا هدلو كتيفا
ركفة شام ظُرة وسمحة دهبة ومُهرة فُلوة وديفا

جادين ود المهيوب قاليها:
شرقان في جمالك وغلّبني اوصافك
وفيك جُملاً تمتع كل راوٍ شافك
الفارس اللِبس درع الدويدي بخافك
مايقك عين جدي ودوف أم لبب في اردافك

أمُحُمّد ود الفكي حمد قاليها:
سَماحِك غير حِبُوب بَرتا وقفِيس حُجّاج
سماح اليبست دوف الطريفي الساج
شِعاع ظُرر الغشيم الفي الظلام وجّاج
سماح الفرُوا براق السِرا الفجّاج

خالد ود علي قاليها:
لِسَان باهي الوريد المُو شرِف هراج
هُدود الصي عيون الغافي في السهراج
تفرذ زمهريراً في العضُم تلاج
يحل عُقد الضماير بسمها الفلاج



ود شعيت قال:
سنهُور حاكم الدولة اب سِلاحاً راج
ماخدة عليهو دبورتين علاوة وتاج
دَرعات عُنّز الريل السماهِن هاج
طال حسر العليهُن ختت الإسلاج

الصِدّيق ود عباس قال :
جمال معشوقتي أبداً في البلد مافِيش
جمالاً خِلقة غير عَدلة لَباس وغشيش
ديفة المرّحن بين ود قِدير وكشيش
جمالك فرضة والتانيات معاكي عويش

كرار ود كُردُم قالو:
يا الصِدِيق عشوقي الكتفو هدلو الريش
مضروب الغرام قال الحكيم ما بعيش
قبلي أم درعة بدري وصيدت في الديش
كتير الترّكتلُو كتابو وكَتر الهيش


رانفي ود اللافِض قال:
عشوقتي كحيلة الرُميش
أديبة وراسية مي ام لكعة المشيها رشيش
جرحها نازي دافِق دم فؤادي بشيش
درعاء و للكُلوهات جوز قُمارها دِشيش

عبد الله ود الفكي الصديق ود اب ناجمة قال:

ناس رانفي بِنُوحوا مقربنين وعطيش
انا مالي؟ مِحارب النوم ومابي العيش
عاشقي الجرحو كاتم دمو ما في بشيش
خلااس داركني ..عِلا الليهو قشة بعيش


احمد كيتا الهدندوي قال "إيداييب كُلها" :
بي شلاخ واب رشمة
كريكناب هاب للي ليما وتِكنِشما
الخلاني اكسر التوبة وين ما أطرا
انا قريت تيكا ما جلسو الارام لما

سليمان الهدندوي قال:

يا قلبي الوليد مالك بقيت تشلا
قال من شوفة اللابس رهيف ومدلا
علي المربوعة قامتو وما الطويل ومخلا
سواي حاكا دهنوك السنوك الولا---

محمد الطيب عمر
31-01-2010, 06:32 PM
[عكير الدامر قال
جلاك جل الاله جمل خلقتك وزانه
وجيدك جيد جدى لكن معاهو رزانه
وجلدك جل عن جمل الشعر واوزانه
وجارك جار ظلم جاب المصيبه ازانه

حمد النيل ود قدور
31-01-2010, 11:44 PM
الليلة البلوم اصبح يقوقى وينوح
هذه القصيده للشاعر الفذ ( ود الشوبلي)
=======
الليلة البلوم اصبح يقوقى وينوح
وميزان قلبى اصبح من بكانو مفوّح
على بهماً لِوَيِّنْ بى النتيل مِسَّوِّح
لى شوفتو بترد الروح بعد ما تروّح

الليلة البلوم طربان يقوقى ويصيّح
والعاشق ينوح لامن صباحو يبيّح
عناب الحجاز فدّع غصونو بميّح
ترا الحارق حشانا ولى قلوبنا مسيّح

يا قميرية نغمات الغرام زيديهن
وسوى القوق ونماتك عقب رديهن
على بهم النديمات القفر واديهن
ليهو سلامى والشوق يا أم جناح وديهن

انزلى فوق فريع قبل الفريق يا نايحة
كترى في الطنين متل الحوارة الرايحة
مربوعة بنات لينة ورطيبة ومايحة
قوليلا السلام ليك يا أم ضفيرة سايحة

قوليلا العشوق تعبان اذاهو مطوّل
يات من شافو اصبح في العليه متهوّل
عشان عينيك مبارى البى القفار متجوّل
لاكين لى الممات من عهدو مو متحول

كل ما شاف برق في القبلة يشلع وجّة
يتقافى المنام من عينو ياخد لجّة
نيران الجحيم ليهو في الفراش منفجة
دكتور الغرام مع اهلو عامل حجّة

قال مرضان هواك لى شفاهو مافى طريقة
في كبدو الحراب في جوفو باقة حريقة
قط ما ليه علاج من غير يقرطع ريقا
والا يمددوهو ويمسحوه بى عريقا

طارت منى قمرية المحبة وقفّت
نافضاهن على بلد الحبيّب خفّت
براى خلتنى زى جاهلا يتيم اتلفت
تقطر عينى بى الدمعة الروية الصفت

قمزت وصفقت وضربت هوايا فوق
وخلست بى رشيشا اصلو مو ملحوق
نافضاهن قلب والداً رؤوف وشفوق
شاهد في المنام دم الصغير مدفوق

قط لا اتصددت لا اتصنتت لى قوق
وسوّت لى الهبوب لفحى الهدم مشقوق
هوّت بى صقيعا منطرح واقوق
في شوفو البعير متل الخلال مدقوق

الصقر المضر لا حسب لا راعى
لى مركب غرامى الجبدولها شراعا
شافا وانعدل ختف الجناح بسراعا
واتجمع تقول حرحافا ماضى ضراعا

يا صقر السواد عينك تشوف الابرة
يخرخر ماها جدول لا تطيب لا تبرى
جناحك بى حديد شركا سريع في الهبرة
يردخو لى الكتف ردخا منافى الجبرة

علّق فوق تقول نجمة وهجع شاتيها
جاها مخوى متل الصاقعة متواتيها
هيّق لى الكفت لاكين وقع خاتيها
قيّع وانعدل عقان سبح بى تيها

حست بى هواهو اتدلدمت وانصرت
وانبرمت متل مترار فلانة الترت
هوّت بى الصقيعة تقول نجمة خرّت
وخوّت جو تقول طنوب وجيبة درّت

غتسن في السماء وقطعن سبيبة الشوف
عقب ادنقسن لى الأرض بسون فوف
بجمّع عليها بشوف حمار الدوف
وهى بتنصرّ منو غادى تسو رحيل الخوف

كبدو انسل دم داير يقصّر قيدا
وهى بقت تحوّت في المِكَر رِقِّيدة
من ربط الحبيل تب فضلتلو عِقيدة
مقطوع النصيب دخلت طريدتو عَقيدة

نزلت في كتيرا اتركبت في فروعا
كلها تترجف من السفر والروعة
قالتلو القدام قالو البلد مضروعة
كان ما صب مطر ما تنبت المزروعة

غير اليوما تام قط ما بتموت لك صيدة
والبجدعها القدر قطعا حربتو تصيدا
معلوم في المقانص تربح الرصيدة
والنوم لى القماح أم الزرع حصيدة

علق يسوى جاك لامن شميشتو انجمعت
وضحكن من قماحو بروق قبلتو ولمعت
حنت لى القميرية سحيبة ماعت ودمعت
وكت الليل برد في الوعرة ناو انسمعت

طلعت فوق فريع من الهبوب لوّاج
وجدعت شوفا بى ضى البروق وجواج
رضيت بى سقط زيفة انطلق سوّاج
وقالت الزيفة اخير لى من اضافر اب عاج

كل الليل تهلع عدتو القمرية
من اب عاج مبيتة في مخافة وريا
قبل القبلة تشرب غبشتا البدرية
صبحت دارا خالية ترا السفر باكرية

حصّلت الفريق وديارو ساعة النافلة
نظرت في البنات من غير حفل والحافلة
لقت في محبوبتى كفل أم سبيبة الجافلة
وعنق اللريل وعيون الجدية الغافلة

نزلت فوق فرع سيالة تبكى تنين
مراتن تردد لك نغيمها حنين
مراتن تسوى القوق معاهو طنين
تطرى الزول حبيبا ليهو منو سنين

محبوبتى سمعت وفهمت نمة الغناية
ونظرت ليها بى عيون التملى تنايا
دميعة زى نداية مقدة متناية
قطرت بى الخديد متبعة مى وناية

قالت كيفن حالو يا قميرية
يبقى عليهو متل العلى حمة عضام نارية
بذّكرنى عند ساعة الهجعة ويقول يا ريا
والا خلاص نسانى وبقيت عندو ما مطرية

كل ما اطراهو يا قميرية ريشات فؤادى يفرن
تقول عقد انقطع يجرن دموعى يترن
قلبى مرات يجر مرات يقيف يتحرن
واحس بى تياب جمر فوق لى عضاى انشرن

يعلم خالقو يا قميرية قلبى بريدو
فكرى معاهو رحل شال المنام فوق ايدو
الشوق العلى زايد تملى جديدو
والريد العلى فات العبار تحديدو

روّحى ليهو يا قميرية واحكى الحاصل
قوليلو الشوق عليك ليل بى النهار متواصل
قوليلو المنام بقى بى السهر متفاصل
قوليلو كفاك نجيع عود لى ديارك واصل

روّحى سافرى يا قميرية والله يعينك
ومن عقب الطريق مولاى يبقى ضمينك
جمّعى في هواك من الشمال ويمينك
لامن توصلى سيد حياك وفيهو بتنوم عينك

حمد النيل ود قدور
01-02-2010, 12:38 AM
http://www.youtube.com/watch?v=PWDxqXsV1dE&feature=related

سفاري
01-02-2010, 01:01 AM
يا سلام والله كلام حلو

محمد الطيب عمر
02-02-2010, 08:06 PM
في وداعة الله يا الدعجا الموججة ناري
تمسي وتصبحي وداعة الكريم الباري
مابنساكي يا الخاتك دوام في اسراري
انتي أميرة والنسوان معاكي جواريفردت عليه وهو راكبآ فرسه ممسكة بيده

فخري وعزي وزوجى ودعمي حلالي
دخري جمل شيلي البتستر حالي
ان رح من المقل مابتروح من بالي
في وداعة الله ياالدود الملامحو غزالي

محمد الطيب عمر
02-02-2010, 08:07 PM
اها رايكم شنو فى الوداع دا

محمد الطيب عمر
02-02-2010, 08:08 PM
إليك حاج على الزين إن أردت :
رجال التاكا بى جاهن قواسيك هانت
جمع فجاً عميق والفنقا ليك إدانت
على الفى جيدا متبور البراتى مبانت
المخلوفة جضت من جريك وغانت

تريسات الكميغة وحلة الساف
جاهن داوى دناى المسافات راف
الضيب العلى راس القلع هراف
لهطك حر شيوم لاهو غرد ولاهو غراف

خد سيالو قد فوق الحليلة بدينه
بيتو الليلة فى باكريتو إعدينا
على بلد السيدك مردم دينا
أرح يا القمرى فى باقى النهار عدينا

أرح ياحاج على ببافى المسدار أطربنا
ولا جيب واحدة خلنى أفك السجنة
مسدار الفمرى كل جميل وخاتى اللكنة
قول خير ياود الزين قول إتفقنا

محمد الطيب عمر
02-02-2010, 08:09 PM
كلام همباتة
قال احد شعراء الهمبتة يصف صديقه الهمباتي بعدان خرج سكرانآ من صاحبة الخمر
تسمى ام حمد وهو خارجآ للنهب والسرقة ولم يعطيها حق الخمر لانه مفلس
فقال صاحبه

دربآ بجيب خمش القروش مو هين

ما بمشيهو ديك بيت أب جليدآ لين

الولد المرق من أم حمد مدين

لابد يا السحاري سوقن بين

البندر عقبناهو وبنادقنا عمرناهن

ومن ذاد يا كدوس جرباتنا تمتناهن

كم ابلآ عراض في بطونا سايفناهن

ترد البينة ثابتة واصلو ماشفناهن

ياكليب القنيص الفي الهويد بطارد

حيلك شدو المال مال رجال مو بارد

الماخدين معاهن في السموم والقارض

ان لحقونا دمنا دم طيور ياام عارض

محمد الطيب عمر
02-02-2010, 08:12 PM
جاهل ظرفي لكن برضي عارف ظرفو
وقلبي وقلبو مابيين بالحصل يعترفو
ريدي أنا ليهو لو درسو وقراهو وعرفو
زي شيك البنوك في كل لحظة يصرفو

محمد الطيب عمر
02-02-2010, 08:13 PM
همباتي سرق مجموعة من الابل وقد سار بها ايامآ وليالي
وهاهو يصف حاله منذ ان خرج من بيته

البندر عقبناه وبنادقنا عمرناهن
ومن ذاد ياكدوس جرباتنا تمتمناهن
كم ابلآ عراض في بطونا سايفناهن
ترد البينة ثابتة واصلو ماشفناهن

ياكليب القنيص الفي الهويد بطارد
حيلك شدو المال مال رجال مو بارد
الماخدين معاهن في السموم والقارض
ان لحقونا دمنا دم طيور يا ام عارض

محمد الطيب عمر
02-02-2010, 08:14 PM
ودالزين

حرم خيمتك عامره بي ناسا
حباب كلام اهلنا ناس البطانه
اهل الكرم والجود حباب النم معاكم

وكتن تعزموا الضيفان تحلوا القول
سوقو لهم بكاراً من مراح تنبـول
يا ناس الله وينكم ماني شايف زول
هسع جوّا داركم لي قريب من حول


حرم كل الكتبو ديل ماخلوا حاجه وبي وشكم
خلونا في بطانتنا وبين اهلنا السمحين
فتكم عافيه وبجيكم صااااااااااد

حمد النيل ود قدور
02-02-2010, 10:04 PM
بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري

حمد النيل ود قدور
02-02-2010, 10:40 PM
سبحان الخلق سواها واحده فريدا
وخلى الليل يجي وينزل ينوم فوق إيدا
والنجم انتظم عقداً جميل فوق جيدا
زي طفلاً وديع من نظرة بس بتريدا
في الذوق والجمال ما شفت اصلي نديدا

حمد النيل ود قدور
02-02-2010, 10:50 PM
واليكم قول الشاعر الفحل محمد أحمد أبوسن - الحردلو:


البارح كلام الناس بدور يفرقنا

كله مرق كضب بعدين صفينا ورقنا

الدعجة أم شلوخا سته مالكة عشقنا

تتمايح مثل قصبة مراتع الحقنه

محمد الطيب عمر
03-02-2010, 08:31 PM
بيضا وفزرة وموية عيونك ناقعه
وانقع من المنقع فى مناقع الناقعة
ماجات تتخبت قبال تعرف الواقعة
بسمت جانا براق خفنا من الصاقعة

محمد الطيب عمر
03-02-2010, 08:50 PM
قالت لى بريدك === قتلها كضابه

لو بتريدينى انا ياجاهله=== ليشن بابه

نهدك دردمو وسدرك بلا الهباه
ياام حسا بلا حس البليب فى الغابه

قا لت لى بريدك قتلها وحاتى
قالت لى وحات نظرى وعويناتى
ياعيش القرير الحبو شتاتى
البنوت بلاك يبقن لى اخواتى

قالت لى بريدك قتلها متل ايش
قالت لى متل خلط اللبن والعيش
شيشك ياولوف لاكتر الخميش
مادام طايعى الادب عقب العذاب فى ايش

العيشابي
03-02-2010, 08:53 PM
يا سلام اهوي الشعر واتمني اقول الشعر مشكوره السرة علي المشاركات الحلوه في شعر شعراء وطني الصغير البطانه ونعزك موت يا البردك حسان

محمد الطيب عمر
03-02-2010, 08:54 PM
حلفت لى باخوها الواحد الدغيان
ليشن يافقير تكتب تقول عيان
انت ماشفت القبيل قامت من الدخان
ضمرت من وسط عليت ورا وقدام
الكذاب يقول خلقت بلا مصران
والصادق يقول ود اريلا جيعان
ام شليلفتا تشابه لى كبدة الضان

محمد الطيب عمر
03-02-2010, 09:04 PM
اضحومبسوطين شاكرين كريما حى
سندو الواقعة حلبو وشربو من النى
اتملى التيوب مصعن حمير الرى
قامو يعافروا فى الشقق الرباطن نى
اخدوا الهجعة للكيفة الشميشا ضحىّ
يات من كان حلف قال الكرامة على
ام ريد لولت القلاي جميلة الزي
ارياح الدمك غمرن ربوع الحي

محمد الطيب عمر
03-02-2010, 09:05 PM
بعد نالها هبّ وتانى تبرك فوفا ==== من السبعة سايقاك أم رويق يافوفا

فوق علاوك ام درعة المردم دوفا ==== فيك زاد البسكّل وراسو عادم الصوفا

************************************************** ***************
صقرك تانى سكّل وعوس كبارك جاكى ==== لوكينا الصبر من الطهاره كفاكى

غير ايدينا ماتعدينا فيك بنشاكى ===== عارفين جرتقك دما نحاسو يكاكى

محمد الطيب عمر
03-02-2010, 09:10 PM
نواصل فى دروب المسادير
عكير الدامر يعاهد السودان



عهدنا معاك كنداب حربة ما بيتشلَّخ

صُرة عين جبل ملوية ما بتتفلَّخ

كان إيدينا من القبضة فيك تتملَّخ

السما ينتكي وجلد النمل يتسلَّخ

محمد الطيب عمر
03-02-2010, 09:11 PM
الرسرس مفزر والحواجب نون

دغس عينيك شوفتك تفرح المحزون

فيك لهيجا حلاتو يمسخ المشنون

ازاي و دواي انتي وكيف لماك يهون

محمد الطيب عمر
03-02-2010, 09:13 PM
الصفره السمحه ام جمالا صافي مو ملكون

فراقك نار علينا وكيف ديمه بيكون

صفرات لون وزرقات فم ولغب وعيون

ايضا ديسه عاتي وليهو حاجب ونون

محمد الطيب عمر
03-02-2010, 09:18 PM
ود الشلهمة
من شعراء البطاحين

يتغزل في البطانة

نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش


******


مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك


******


بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري


*******


مبسوطة البطانة إتنعمت قدام
شابع قشها وقاسا المزرقن وقام
أخلو الدكة لا مخبر ولا حوام
ولي فيهن صديق روحاً ملاني غرام

العيشابي
03-02-2010, 09:37 PM
تسلمو يا شباب علي الشعر الجميل في الزمن الصعب ونتمني المزيد

محمد الطيب عمر
08-02-2010, 08:54 PM
بسم الله الرحمن الرحيم

موسى ود جلي، ويوسف سنينات
(الفصل الوحيد الذي أحفظه)



وفاءً بوعد قطعته على نفسي بإنزال هذا الفصل الوحيد الذي لا زلت أحفظه من مسرحية (موسى ود جلي ويوسف سنينات)، التي لا أعلم مؤلفها، والتي تعرفت عليها في صباي الباكر، حين كنت في سنة رابعة من جدتى قبل أن أتعرف على مسرحية المك نمر، ومسرحية بامسيكا، وهما شديدا الشبه بها. إذ المسرحيات الثلاث منظومة شعراً عامياً، وتتناول المجتمع القبلي السوداني، وما يقع فيه من صراعات بين القبائل، واحتكاكات حول المراعي وموارد المياه.

هذا المسرحية الشعرية تفوق مسرحية بامسيكا، لعثمان حميدة (تور الجور) من حيث جودة أشعارها، وحسن ديباجاتها، وعذوبة جرسها... ولكنها لا تطاول نجم رائعة العبادي (المك نمر) في هذا المضمار، ولا تشق غبارها... وقصتها تدور حول ارتحال قبيلة بني جرار من مضاربها في غرب السودان قاصدة أرض البطانة، طلباً للكلأ والماء... وذلك حين أصابهم القحط، في سنة ممحلة... وقد رحبت بهم قبيلة الشكرية التي كانت تقطن أرض البطانة وتبسط نفوذها عليها، حتى أصبح يطلق عليها اسم (بطانة أبْ علي) وهو جد الشكرية الذي خاض حروباً مع جيوش السلطنة الزرقاء، بقيادة ولديه علي وحسَّان، وحقق فيها انتصارات باهرة على جيوش سلطنة الفونج.

(العجيب أنه توجد قبيلة عربية تقطن حالياً أرض البطانة، وهم أصلاً قد نزحوا إليها من مناطق شمال كردفان (كجمر) والنيل الأبيض (مرابيع ود اللبيح) وهم أكثر عدداً من الشكرية... هي قبيلة (اللحويين) التي ينسب إليها قيس بن الملوح السوداني، محمد زين ود الناير، اللحوي صاحب مسدار الشاشي الأشهر في الشعر القومي السوداني!!!

عموماً استقرت قبيلة بني جرار في أرض البطانة في ضيافة الشكرية، وكان على رأس هذه القبيلة الفارس الجراري الشهير موسى ود جلي...

(بالمناسبة هناك مناحة شهيرة في الموروث السوداني (حليل موسى يا حليل موسى... حليل موسى اللي الرجال خوسة) تنسب أحياناً لموسى ود جلي هذا، وأحياناً لموسى أبو حجل، وهو فارس آخر من بربر في ولاية النيل) والخوسة هي السكين...

(سامحوني على هذه الاستطرادات الكثيرة !!!)

تقول الرواية أن مشادة قد حدثت بين رعاة إبل موسى ود جلي، ورعاة إبل يوسف سنينات، سيد قبيلة الشكرية وفارسها، الذي كان غائباً في ذلك الحين، حدثت هذه المشادة حول بئر الماء، وانتهت بأن قام قدَّال (مولى يوسف) بقتل بكرة من إبل موسى ود جلي... فاستشاط موسى غضباً وهجم على الشكرية فانتصر عليهم وشتت شملهم، واستاق عدداً من إبل يوسف سنينات، كما أخذ زوجته – آمنة بت حسان – سبيةً، وارتحل مع بقية أفراد قبيلته ميممين شطر ديارهم في غرب السودان...

المشهد يصور لنا موسى ود جلي، أثناء تحركه مع قبيلته عائدين إلى ديارهم الأصلية، وهو يخاطب مسبيِّته آمنة بت حسان، زوجة يوسف.. بعد أن رأي الشكرية، وقد جمعوا فلولهم وجاءوا يتتبعون آثاره ليستنقذوها منه...

موسى – مخاطباً آمنة ومشيراً إلى الشكرية:

أنا دابي الليل ودود الخيل أخوك يا شمَّة
ما بتشوفي داك يا آمنـة فزعك لَـمَّ


آمنة: ما تشوف العريب والدردشة المنلمَّة
ما بصدُّوني منك يا نقيـع السَّمَّـة
كان جاني البسُر بالي، وبفُرْج الهمَّة
حد شكرك وقف، والليلة يومك تَمَّ

حينئذٍ تصل جموع الشكرية، وتخوض معركة خاسرة أخرى مع موسى ود جلي... ثم يواصل موسى ورفاقه مسيرهم صوب ديارهم... بعد أن شتت شمل فلول الشكرية، وحال بينهم وبين تخليص آمنة من قبضته...

وأخيراً عاد يوسف إلى ديار الشكرية... ووجد الحال فيها لا يسر... وجاءه مولاه قدال وهو يبكي... وحكى تفاصيل الفاجعة التي وقعت... حتى قال له:

قدال: وإتَّ في ده، ولَّا ما ساقوا آمنة وقاموا..

يوسف: كيف ساقوها والشكرية كالأعلامو..

قدال: الشكرية ما بنْلامو
جاهم موسى رافع راسو زي الهامو
صدَّاهم حفايا... وبالطريق يتراموا

يوسف: الغرباوي سوَّاها، وعلي نجامو

ثم يتحرك يوسف ومعه قدال متعقبين آثار بني جرار الذي سبوا زوجته آمنة... وهو يترنم:

يوسف: أنا سنينات....
أسد الخلا القنَّـات....
عينيْ حُمُـر شينات....
وبعد الريلة طاري بنات

المشهد يصور لنا قافلة بني جرار وهي في طريقها صوب ديارها الأصلية في براري شمال كردفان ودارفور... هنا ينظر موسى مرة أخرى لآمنة ويقول لها مداعباً:

موسى: بعد زمناً قريب يا آمنـة تصلي بلدنا
تنسي الشكري، يا ندفـة رفاعة الفدنة
خلاص قفَّينا من دار أبْ علي وصعَّدنا
الله يقـدُّوا يوسف... ما حضر واعدنا

الندفة: هي العجلة الفتيَّة

تلتفت آمنة إلى موسى ود جلي (وقد رأت يوسف مقبلاً نحوهم مع مولاه قدَّال)...

آمنة: مهلا لا تَضيـق، لـوك الصبر يا موسى
والندفـة المربعنة جاهـا تور جاموسـا
راجل أمك وصل، وأصبحت كالناموسة
حد شكرك وقف، دابك لحست الخوسة

يقترب يوسف ومولاه قدال من قافلة بني جرار التي يقودها الفارس موسى ود جلي... ويحاول قدال أن يبادر بمصادمة القوم قبل يوسف... ولكن يوسف يتستوقفه قائلاً:

يوسف: أنا الصاقعـة التقـع سرَّايـة
أنا البدخل الحلَقـة.. وبرفتق رايا
قدَّال لا تسير.. حرَّم تقيف بورايا
عاين للعريب، هسَّع تشوف جرايا

بعد ذلك يتبارز يوسف سنينان وموسى ود جلي وتنتهي المبارزة بانتصار يوسف على موسى... يقال أن موسى كان يركب فرساً أنثى (حائلاً) بينما يركب يوسف مهراً ذكراً، وأن الفرس استدارت لتقابل المهر بمؤخرتها... فاستطاع حينها يوسف أن يضع ذباب سيفه على عنق موسى... فطلب منه موسى أن يقتله... فرد عليه يوسف: (إنت راجل ضو قبيلة.. وأنا الضو في البيت ما بكتله... كيف أكتلك إنت ؟؟!!)...

وهكذا يعفو يوسف سنينات، سيد الشكرية وفارسهم، عن موسى ود جلي، سيد بني جرار وفارسهم... وتنتهي هذه المسرحية بمشهد أخير حين يصل موسى إلى ديار قومه بني جرار في شمال دار فور وكردفان، ويوبخه أبوه العم جلي على هذه الهزيمة المخيبة للآمال التي مني بها في أرض البطانة
وتنتحب أمه مرددةً هذه المناحة الحزينة:


زمني كلُّـو أحضِـن وألـِبْ
قايـلاك أسـداً مـا بتنغلـب
يسكَّك الشُّكري، وتجي منقلِـب
الليلة بقطع شطري،وأديهو الكلب



هذا ما استطعت استظهاره من هذه المسرحية التاريخية الرائعة... إذ كنت أحيل على ذاكرة تسربت إليها عوامل الشيخوخة والهرم، بعد أن كنت وإلى عهد قريب أحفظ أنشودة (في القولد التقيت بالصديق)، التي درسناها في سنة تالتة عام1992م وأنشودة (نحن الطيور أيها الإنسان) التي درسناها في سنة تانية أولية عام 1991م

محمد الطيب عمر
08-02-2010, 09:03 PM
اذا انتم على موعد مع تلك المسرحيه

اوعدكم بنشرها لتعم الفائده وللتوثيق

محمد الطيب عمر
08-02-2010, 09:07 PM
لحوين نحنا ونحنا الوداد الصافي
ولحوين نحنا السماح وعوافي
وان درت العديل نديك حسابك وافي
وان درت اللعوج تصبح مافي

النوراني
09-02-2010, 03:34 PM
وقال شاعرنا جلوق رحمه الله وهو من عدالغباش اللحويين

قصيبة التقـــــــنت الفصاصه أصبـــــــــح زارق
بعد القفـــر جـــــــــــــــــاها السقط مِســــــارق
السبب الخلى الحساب من راسي إصبح فارق
جمــــــال الملكة المــــــــن الأنيــــــس بدارق

الاخ محمد الطيب عمر ود الشلمة لحوي مثلك ولكن عاش وأخوته مع اخواله البطاحين وناس الشلهمه نفسهم يدرون ذلك ،
وانا عاشرت جدودي بعد الغباش وهم عايشوا فترة ود الشلهمة وحكوالينا الكتير عنه وعن اهله، وصادف انني التقيت عمر ودالشلهمة الشاعر المعروف وهو الان متواجد بأبودليق التقيته في بيعة اللحوين لعمر البشير وكان ذلك قبل أثني عشر سنة أتى من ابودليق مبايعا مع أهله اللحوين القبيلة وهذا خير دليل على انه لحوي

الاخ محمد الطيب

انا من المهتمين بالشعر
والابيات التي ذكرتها انت عن الحوين انا من قمت بكتابتها
ولكن أخي البيت الأخير يقول
إن دُرت العوج في ثواني تصبح مافي وهذا للتصحيح ليس إلا
ولك شكري
النوراني اللحوي

النوراني
09-02-2010, 06:34 PM
قال النوراني اللحوي

نحن أسود نخوض الحارة ميها النية
ونحن قُدرنا برفع راس حـــرم ونجية
نحن عمــرنا للغلبان نديــهو هديــــــة
ونحن عدونا كان صقراً نقلبو حِدــية

النوراني
10-02-2010, 03:00 PM
شرفن شاشـــا ليهن شوشــن كشنــــو
وكشكيش قشتِن في الكوشة كشن منو
حدمــــــــن قرمجن ود حنتــن بشنــــــو
عشن ود حشـــــاهن وبالعسين نشــنو

النوراني
13-02-2010, 07:45 AM
قال النوراني

الليلة الظـرف عــــــــن البريدو ابعدني
بي وعد كذوب في النوم بقى يواعدني
يارب يا كريم حل القيود ساعــــــــــدني
نفارق الأغــــــــتراب لايدني لايُقُــــعُدني

محمد الطيب عمر
13-02-2010, 06:54 PM
اذا اخى النورابى نحن فى حضرة شاعر بقامة ارض الوطن
واتنحى جانبا لا ترك لك المجال واسعا حتى تطربنا بشعرك الشجى العذب

وفى حضرة الشمس تستحى الانجم

فهلاااااااااااا واصلت

النوراني
14-02-2010, 10:44 AM
قال النوراني

بالألف إالفــــــــة وحنـــــــــــــــان ومحنة
والجيم جملوك باهي لذيــــــــــــــذ ومتنى
الآم والألف محكـــــــوم عليها رســــــــنا
والآم الأخير مخصوص للعشـــوق الجنى

ود عدو
14-02-2010, 11:23 AM
لحوووين نحن فراسن قلوبون نار


بركزووو الصف وبا قين لوطنا حدار

إشيقر
14-02-2010, 12:44 PM
ودشوراني ايضا:
بعد ماكنت تايب وخاشعا متطوع
قلبي الليلة اصبح دافر مركبورومتنوع
الخلاني ذاكر الفوق وسادتو مكوع
تاتاي الفلو وقدم الحمام ماببوع

الأخ ود عابدين
لك التحايا
أظن المربوع دا كالآتي :
قلبي الكان هادي وخاشعا متطوع
أصبح لي إدفر مركبا بتطوح
جدد لي ريد الفوق مراتبو مكوع
تاتاي الفلو وقدم الحمام ما ببوع

محمد الطيب عمر
18-02-2010, 07:06 PM
سيبوا العنصرية يالحويين

دعوها فانها نتنه

(كلكم بنو ادم وادم من تراب)

(لينتهين قوم يتفاخرون بابائهم حتى يكونون عند الله اهون من الجعلان)

ود عدو
20-02-2010, 07:24 AM
نحن اهلا يا محمد

التهامي محمد حميد البنا
20-02-2010, 09:11 PM
0
00
000
رامــيــات الـســلام فـوق الــفـريق ومـراحـو
ومـن نـهـج الـغـرام خـبـرن درب صـلاحـو
الزاكيات نـفـيس فـوق الفريق ما ارتاحو
وكل من شم ريحن ضربو العشق في صباحو

(( من رباعيات التهامي ))
000
00
0

((( ودمـــتـــم أونـــلايــــن )))

محمد الطيب عمر
21-02-2010, 04:45 PM
نواصل ما عاهدناكم به من قصة يوسف سنينات وموسى ود جلى

قد اصاب ارض بنى جرار قحل وشح فى الماء والكلاء فهاجروا الى ابنا عموتهم الشكرية

جلى :
سلام ياهلنا
البيكم تطيب ايامنا وتتهنى
النار لى عدوكم ولى حبيبكم جنة
سامعين بى كرمكم ولى فضلكم رنه

حلابنا المحل تورنا من منزلنا
البل جافن والحال علينا اشنا
ان جيت شاقهن تسمع رزين ومحنه
ضاق بينا الامر والراى وقمنا رحلنا

يوسف سنينات

حباب العم ويوما سعيدا جابو
حباب الفى بنى جرار كرام انسابو
حباب المن ضيوف الهجعه مابتغابو
اب قدحا سبيل لى من وقف عند بابو

حباب موسى ويما سعيدا جابو
حباب ودابوعلى البيرمى النابو
حباب العمرو فى يوم الحرب يخابو
يا ابو عائشة عربا امروك ماخابو

موسى

حبابك يوسف يارفيق الليل
حباب ودابوعلى الكسر ضهور الخيل
حباب الفى منازلو ضيوفو ديل فوق ديل
حباب اللى الضعيف ايديهو مجرى السيل


كوريتا اخو موسى
ياشيخ العرب يابوعلى جيناك
نحن عيال جرير اليوم نريدو حماك
ياحامى الحمى بالمال معاهو دماك
ما ذالت ظروف كل السنين خادماك

يوسف
قوم ياقدال اضبح عشرة بكار
لاضاقن قيد لا ضاقن حكار
اسرع فى مشيك لاتكتر المشوار
كرامتا للوصول جابت بنى جرار

ياموسى وياجلى يوما سعيدا جابكم
دلوها الزوامل اليوم لقيتو اصحابكم
وصلتو من الغرب اليوم تمام فىد اركم
جميع عرب البطانه اليوم يقولو حبابكم

هذا هو المقطع الاول ونواصل ان كان فى العمر بقية بمشئة الله

محمد الطيب عمر
21-02-2010, 05:50 PM
الوادي الجانّا مترقّن
مدّ جناحو الطايل شرقّن وغربّن
القبلي بروقو علي القلعات إضربّن
الدُكّن البِعدّن قِربّن
فوق صنقور المحله الطالت كبّن
قول لي المحل بيوتك خِربّن
قول مادلا
الحلق الجاف إتبلا
بالحيل آجني اي والله

محمد الطيب عمر
21-02-2010, 05:52 PM
مٍراحتنا شرابهن يوت ما غبّن
شبعنات ..
في الشقل اب شوك ما شبّن
الحُمل ولدّن وربّن
حلماتن تقلّن
جرّن فوق سياقنهن كبّن
اللبم في ضِرعاتّن جبّن
المغصة إن كان ضِرعاتّن خِربّن
القرعة آ وليد
السعن آبنية
شوفو النعمة السالت
فوق قيزان الرملة
ناس البندر
لبن الشاي بي العُملة
سمح الخمج الفوق اسيادّو
سمح العز المن أجدادّو
بالحيل آجني اي والله

محمد الطيب عمر
21-02-2010, 05:53 PM
والغيمة تهتّف مطراً نَقّع
فُوق نُوار الطلح الفَقّع
ريحة البرُد إن جاتّك
عطرّن فَايت خُمر الفوق أردافها مجدُع
شفنا الوادي
بقشقش في دمعات الليل
والتعل الشايل بدا يتفقّع

محمد الطيب عمر
21-02-2010, 05:56 PM
وين مراتعْ الدرّت الباسط
دايمن ببكوينّا ي عليهن
وين بنوت الحلّه البُكر
عصرن بدري بسوّن في شهاهيهن
وبعد الليل مايهوّد
ونحن نهوّد
عاد أُماتن ينادّن ليهن
نمشي علي القيزان نتقادم
أقيس الخطوة مع التاتاي ومشيهن
والله البعد الحاصل مانسانّا
وحاتكّن .. في قمراتنا بشوفو وشيهن
ألا النضم اب غُنّه
واللهج السكر وين بلقاهّو
بنات الريل الدوب يا ليهن
والخُوف آناس
كان أبقى الشوق الحاصل بينا
معشعش فيهن
مقنع سابل وين بلقاهّو
طرفاً زابل وين بلقاهّو
وعين بدنقر من واليهن
والوجنات الشعّن بقّن
ودالعين النايم زرقّن
مو زايغ رسيان وميقّن
زولن ان خدران ومحقّن
من الشوفة عروقو يطقّن
كان الدنيا بي صح تتخلّى
كنا بركنا معاهن في رملات الحلّه
ألا كمان بنشوفة مزلّه

محمد الطيب عمر
21-02-2010, 05:56 PM
خبتنِك بروقاً يااالدغش ما أنفشّن
وفوقك قبـّل الضّحوى أب تعولن بشّن
السبب الخلا ريشات قلبى طارن رشّن
خبر المن صعيدتِن بالبطاين طشّن

محمد الطيب عمر
21-02-2010, 05:57 PM
لحّاح البروق قلع السحاب الماسي
عتم وصبَّ فوق بلد أم نفايل راسي
الليل كلو يرزم وبكرة قحّ نحاسي
قعد سيل المرانع والحدوب متواسي
ودالشريقاوى
يادارع عشانيق البروق وبرِفَّن
الليل جا وعِيَن النعايم نَفّن
على الداداتو شالن حجولو وقَفّن
ياالليل غادى ياروقاى جرايدك حَفّن
ود الصقري

محمد الطيب عمر
21-02-2010, 05:58 PM
صبر كاتم غرامك وأم لهيب في حشاى
ليمك قاسي حارسك النوناي
حاتى وحاتك إت يالبقيت مناى
متل حالة البجدع وغالب الهداي

حسن السيد
25-02-2010, 08:50 PM
ليلين أمس و البارح لمن بي حسايساً عمت
ضربات قلب و كبداً بالغرام انسمت
لفحة قرمصيصا و روبتا الما انتمت
دخلن في معالق الروح بعد ما انجمت

محمد الطيب عمر
27-02-2010, 05:38 PM
حسن السيد بعد التحيه
ملحوظة:

توقيعك جارح بعد الشئ

ابو حديد
06-03-2010, 02:20 PM
عاشقين العيون الواسعه زى فنجان عيون الحور ولا هن عيون الجان الشافن يمين اصبح دوام غرقان دمعاتو بتسيل
مضروب تقول بنبان

محمد الطيب عمر
08-03-2010, 06:26 PM
اروع ما سمعت من الدوبيت

عقب

محمد الطيب عمر
11-03-2010, 09:39 PM
وين يا أهلنا

عقبووووووووووووووووووووووو

النوراني
15-03-2010, 07:03 PM
الليلة النسيم من عدو جابلي كلام
قال لي الحبايب يازول بقولوا سلام
يا مرحى الاحبة ساكنين فريق قدام
ليكم كل حبي من ام عشوش للشام

النوراني
16-03-2010, 10:27 AM
بعد ما اقول اتوب أنسى العشق وأتغابى
يظهرلي المفـــدّع من نصــــــهن يتشابى
اقول يا ربي السلامة تتطعني بي نشابى
وتبقى حويلتي معاها زي طيرة في قلابة

ود البحر
16-03-2010, 05:14 PM
غاب نجـــــم النَطِح والحر علينا إشتدَ
ضَيـَّـقـْنـا وقِصر لَيلُو ونهــــارُوْ إمتدَّ
نَظِرة المنــــُّو للقانون بِقيـــت إتحدَّى
فتحـت عندي منطقة الغُنا الإنســَدَّ

ود البحر
16-03-2010, 05:17 PM
دنَاى المسافة اللهسالة ملاجج
هجر راسو ضغطو على وبرك متفاجج
هجم دور الفريد فى عصرو ومالو محاجج
دهب البرته تقليد مقبلو المتواجج

ودشيخ الحلة
16-03-2010, 05:31 PM
آآآآه يالوحيح الما وجد فيك راحة *****ولابد الوحيح يوم يمرقني براه الساحة

التهامي محمد حميد البنا
21-03-2010, 10:07 AM
0
00
000

(( قال الحاردلو ))

إن اديــت وكـتــر الـمــا بـقـول اديــت

أبو رسوة البكر حجر شروع سـيـتـيت

ابوندرق الموشح صـدره بالســوميت

كاتال في الخلا عقبال كريم في البيت


000
00
0


((( ودمــتـــم أونـــلايـــن )))

عبدالعزيز احمد محمد
22-03-2010, 11:42 PM
البارح علي جمر الصنوب بتعرك
لامن كوكب الليل المقابل ورك
ضاع صبري وعلي حسسا قديم اتحرك
لي ظبية النقعة ام عسيننا فرك

النوراني
23-03-2010, 12:49 PM
بعد القامة يا البريبة سـوى شـــــــراية
خاتي اللكنة لي الوصاف بدورلو قراية
العوج الدرب هاك يا اخويا وصايــــــة
جهز هنابيلك وأعمل مــِعاك حاحــــاية

اسامة يوسف
23-03-2010, 12:55 PM
ما في الكون روايعا كالدهب في جيدو
او خصلا سودا تدلت فادعه وريدو
الحير جنان قلبي ونشدتو قصيدو
ارنو عطوف فاق بلبل عدن تغريدو

اسامة يوسف
23-03-2010, 01:04 PM
سمحت ومن شنات الصيفة لونها اندسا
جبالك شرب من الخدار وتكسا
ياالمردة التلين تحت الجمال في الرسا
فوقك زرقن الضحوي وسحابك مسا

اسامة يوسف
23-03-2010, 04:30 PM
اكتبو في الدوبيت وتحاشو الوقوع في الغلطة
شعر البطانة رقيق ومابحمل سواطة وظلطة
الاخوة الاعزاء نرجو منكم مراعات الدقة والتحري عند كتابة شعر البطانة لان لة طريقة خاصة في الكتابة والالقاء0000فنحن اهل البطانة نغير علية كما نغير علي اولادنا

عبدالعزيز احمد محمد
23-03-2010, 04:53 PM
بريق يا روضة العشاق سحابك هجعة
لأ لأ وانتحب صبح بلابلك سجعة
جسوما لدن كانت في رباك مضجعة
ابقي مقيمة ولا هدوجة نجعت نجعة

محمد الطيب عمر
23-03-2010, 08:11 PM
هجككككككككككككككككككككككككككككككككك

عبدالعزيز احمد محمد
27-03-2010, 11:12 PM
الليل حيلو روح ونجمو ميل غرب
انا فوق ساقي لا متين يا مزيل الكرب
حسس الماهو ماسك التيهة فاك الدرب
جاب لي غدت الكبد البتضرب ضرب

محمد الطيب عمر
30-03-2010, 08:51 PM
مددددددددددددددددددددددددددددددددددددددددد

اسامة يوسف
01-04-2010, 10:35 PM
اكبر لي رغيبة الفرض وهي توازيلي
ادهور وسج الحمد ماتمشيلي
وكت المولي فك عليعلي ام شديدة وكيلي
كيفي ضمانو في ضراع الكزازي زميلي

(الصادق ودآمنة)

اسامة يوسف
01-04-2010, 10:42 PM
أخ واغلبي من حسسا شديدة رجعتو
كتمو يضيق الاخلاق وحارة فجعتو
الخلاني قمري الليل احاكي سجعتو
فاقد اللدعج القبضت مشابكي وجعتو


(الصادق ودآمنة)






0

ابو منذر
07-04-2010, 11:16 PM
والله اتحفتونه وستمتعنه جدا بالرباعيات وانا من الذين يحبون جدا الدوبيت والمسادير فى حصرة ام هبج.تقبلو تحياتى عبداللطيف عثمان احمد من الفادنيه المريغات0912927089

محمد الطيب عمر
10-04-2010, 08:58 PM
حباب ابشنبا دهب حبابو
حباب ابرسوة البيرمى النابو
حباب العمرو فى يوم الحرب يسخابو
حباب اللى الضعيف دايما فاتح بابو

النوراني
10-04-2010, 10:34 PM
خوة جر و كر ما أظـــــن تجيب الفايدة
وما شفنا الرخم للنسر دايما قــــــــايدة
صناديد المحاص وسط الجيوش المايدة
ما برضو الهوان اصحاب كفوفاً جــايدة

النوراني
10-04-2010, 10:46 PM
رمش رماشو زمـــــاش الرمــــــوش رشاشــــو
وشادن شاغل شـــرفن فيه المحـــــــاسن عاشو
يا شُقيشة الشرٍق الشرق محياها شرى دعاشو
رشريش رمشك رش بريشنا بي رشـــــــــراشو

النوراني
11-04-2010, 12:51 PM
الزول لو كعــــــــــــب اســـلك درب غير دربو
واقصـــــر شــــــرو من تالاك ديمـــــــة أزربو
أعطى سماحة للأخوان وقولاً زين فيك بدربـو
وخلى سفاهة الجُهال و ود الناس تقول أحقربو

دهب خالص
17-04-2010, 05:52 PM
بدور الركبه فوق الشوح وبدور شقت فريق المنهن مجروح
ياسابل الستر ياساكن سفينة نوح تلزمنى الصبر قبل اليقين مايروح

محمد الطيب عمر
20-04-2010, 07:08 PM
هاااازول اقيف

بتدور تشق الفريق
ماسمع
بالدابى الناشف ريقو
المامون على بنات فريقو
وضربتو لى عدوهو تعيقو
الغوس ونجدة الملهوف وكتين الناس يضيقو

القلبوسابي
28-04-2010, 12:43 AM
اخوانا في خيمة النمة والدوبيت سلام

جميز فامك الباري الهرف والغٌرق
برعيمك سمح دغمة براطمك زٌرق
كحلا فى العيون يابت ام قرونن فٌرق
سخلة ودفهيد ديفة التناية البُرق

مفردات
الجميز معروف وفامك فمك ** والباري تعني بالقرب من ** والهرف : قيف البحر والغرق بضم القاف المكان الغريق (يعني مزروعة جنب القيف
برعيمك : البرعيم النظر الي الشئ كما يفعل الصيد * الدغمة لون مابين السواد والزراق كما وصف الشاعر لون السماء يوم ماطر (يالسماك مدغم )
والبراطم : الشفاه لون شفاها زرقاء
بت أم قرون : الصبدة أم قروناً فرق إي أن قرونها متفرقه وهذا مايميز الصيد عن غيره
السحلة : بهم الصيدة الديفه هي الصيدة والتنية كذلك

نساماً بجيبنو التعول الزُرق
تري فى برطم أم دغمة المكاده الحُرق
نهم شيخ عقيتي العليهو الطٌرق
حظوظ ايامي ما ابقلي شوماً بُرق

التعول : السحب الغزيرة والبرطم تفدم شرحه والمكادة الحرق إي أن لون شفاها قريية من الحرق بضم القاف (السواد)

اللقلبوسابي


أنا قايل الكلام هيل الصادقة وآمنة

القلبوسابي
28-04-2010, 01:19 AM
أسامة يوسف كان عندك من الصادق أجدع أنا كلام الصادق بالحيل بعجبني خاصة فى الألبل
كما قال أمير الشعراء أحمد ود عوض الكريم أنا فى البنات ما بنلحق لكم فى الجمال لحقني الصادق

اكبر لي رغيبة الفرض وهي توازيلي
ادهور وسج الحمد ماتمشيلي
وكت المولي فك علي ام شديدة وكيلي
كيفي ضمانو في ضراع الكزازي زميلي


كمان قال :
بخيت الختوه بركتو وشديدي مقاربوا
رفع سرجي وفرش قاش المحاقب كاربوا
خلف حسكو وتكل كعبي اللمين فوق غاربوا
قمز اللريل الضرع الهويدا مجاربوا

يخيت الختوه إي الخطوه بركتوا : أناخه * وشديدي : مايوضع علي البعير ليركب عليه من مخلوفه وغيرها * مقاربوا :إي كان الشديد بالقرب منه
المحافب : مفردها حقب وهي مؤخرة ورك البعير أسفل الذنب تحوي بقاش يسمي قاش المحاقب وهو خلاف (سير القشاط ) الذي يربط فى وسط البعير

يقول احمد :
مَرَقْ مخَلـوفْتُوْ وقَيت فُوقُوْ لَشَّقْ طَافـُوْ
شَدَّيتــُو ومغَـيت ســير القُشاطْ في هَافُو

خلف حسكو : الحسكة حلقة من حديد تربط غي لجام البعير * تكل : تكلت أي وضع رجله علي غارب البعير ليحثه علي النهوض والغارب (كتف البعير الأمامي)
قمز : نهض بقوة اللريل والأريل ذكر الصيد * ضرع الهويدا مجاربوا : إي متعود علي قطع الفياقي


الفلبوسابس

القلبوسابي
28-04-2010, 11:35 PM
هاكم جزء من مسدار رفاعة أكراما للمنتدانا العامر أهديكم هذا المسدار [ وخاصة للحناكيش]
عشان يعرفوا نحنا عندنا توثيق وأرشفة للمكان والزمان بهذه المسادير والعاوز شرح مستعدين
وما تخجلوا يا شباب من كلمة الحناكيش هو الزمن العمل فيكم كدة
مسدار رفاعة – احمد عوض الكريم ابو سن
رفاعة الربة قافاها البليب طربان
ناطح المنو ميثاق قلبي مو خربان
فوسيب السواقي البي اللدوب شربان
بلودو بعيدة فوق في بادية العربان
......................
رجال التاكا بي جاهن قواسيك هانت
مسك فجاً عميق والبيدا ليك اتدانت
علي الفي جيدا متبور البراتي مبانت
المخلوفة ضجت من دويك وعانت
........................
بلدان الكحوقة وحلة السراف
جاهن داوي دناي المسافات راف
يا الضيب العلي راس القلع هراف
لاهطك حر شيوم لو قراد ولاهو قراف
..............................
حفيرات السنط جيتن تعوم بي التنية
ناطع الشمعدانة عديلة مي منحنية
درعات العطا الكبد العسين منتنية
مي لافحاك يا تيس قنة بيك معتنية
...........................
ايدين اب تبوب شقيت وعرهن خاتر
جيت لي ام عود تجمع في النقع ماك فاتر
الحافظ حضورك ولي غيابك ساتر
اسرع واغلو يا الجمام قفاك متماتر
............................
إتجمع بعد شرف الحريحير طار
داني بعيد وبي المصعي وجري الحارحار
علي جريعة البنوني ومسكة اب محار
لولح راسو اتمرعف بلا السحار

الأستاذ حسن السيد تحية سلام وإحترام عجبني كلامك فى التوئيق للتراث وأنا من معجبي مسادير أحمد ود عوض الكريم خاصة لمن إنمها المرحوم ودبله
لكن أعزرني عندي ملاحظات عاوز إصححها وربما تكون أنت صحيح أو لعله خطأ مطبعي

المخلوفة ضجت من دويك وعانت
المخلوفة جضت من دويك وغانت
وقد يظهر لمتلقي البيت فى البداية أن كلمة ضجت صحيحه ولكن أهل البادية يستخدمون كلمة جضت من الجضيض وهو نفسه الضجيج ولبس من المستحسن تغير كلام أهل البادية إلي الكلامات الفصحي حتي لايفقد الدوبيت الطابع البدوي وكذلك كلمة غانت وهو صوت المخلوفه عن إسارع الجمل ولبس كلمة عانت

بلدان الكحوقة وحلة السراف
جاهن داوي دناي المسافات راف
يا الضيب العلي راس القلع هراف
لاهطك حر شيوم لو قراد ولاهو قراف
..............................
الضيب : بدون يا والضيب يقصد به الذئب لأن عندنا فى السودان تنطق الذال والزاي ضاداً مثل زراع ضراع وذنب ضنب
تريسات الكميقة وليس بلدان الكحوقة والكميقة أو الكموقة قرية
لهطك حر شيوم لو غرد : بضم الغبن من الغردة وهي الرسن ويقصد أن لهطبك وجريك لبس سببه جر الرسن ولا دق القراف (دق القراف خلي الجمل إخاف )

حفيرات السنط جيتن تعوم بي التنية
ناطع الشمعدانة عديلة مي منحنية
درعات العطا الكبد العسين منتنية
مي لافحاك يا تيس قنة بيك معتنية

ناطح وليس ناطع وناطح تعني قاصد
بريبة العفا ولبس درعات العطا : والبريبة بضم الباء وتشديد الياءوهي الصيدة والعفا الأرض الطيبة ويقصد البطانه والدليل أن كلمة البريبة مفرده وكلمة منتنيه ومي لافخاك تقال للمفرد
لافخاك وليس لافحاك واللفخك هنا تعني الإهمال

ايدين اب تبوب شقيت وعرهن خاتر والصحيح ايدين اب تبوب جيت شاق وعرهن خاتر

وهذا لإثراء روح النقد في الخيمه

القلبوسابي

عاشق البطانة
02-05-2010, 06:16 PM
الليلة السحاب فوق البطانة منيِل
وولع جمرة القلب القبيل متحيل
طريت ست الصبا ال ما جالسوها العيٍل
جمالها يفوق على قدر العقل مايخٍيل
*****
حرقوصك نتل جاب من هواك دعاش
خيم فوقك الليلى ومكاييل هــاش
اتعتم سماك أسقى الـ أكانوا عطاش
عربك تالتة ..واقفين..لابرش لافراش
*****
ركزن لك بروقك عكلن قيزانك
انهلن بشايرك واستعد عربانك
اتدلقن سحابك نع فوق وديانك
بى فرحة وطرب دقو الرباب عربانك
*****
أضحو مبسطين شاكرين كريما حى
سندوا الواقعة حلبوا وشربوا من النى
اتملى التبوب مصعن حمير الرى
قاموا يعافرو فى الشقق الرباطن نى
*****
أخدوا الهجسة لى الكيفة الشميشا ضحي
يات من كان حلف قال الكرامة علي
أم ريد لولـت القــلاى ,جميلة الزى
أرياح الـــدمك غمرن ربوع الحى

عاشق البطانة
02-05-2010, 06:28 PM
نســيمك يا ام هبج شفخانة المتألم
حُقًنٍك سيف وسلفٍك راس حصان متكلم
أكان كتَم سمـاكٍ وليلك أمسى مضلٍم
مابشق بيكى طالب الجامعة المتـعلم

******
بت المن رشاشن بالبطانة اتهوًن
وقفن فوق علو ومن الأنيس اٍتحوَن
وآ أسفايا من الكل يوم بتــلون
شهدان موسى من فرو المنازل ضوَن

******
بت اللا زمان نطحت فيافى وصَي
يجادعن بالبغو قش البطانة الني
دغسات العيون الما بيرد الحى
لي ليمك شحد ربى ورفعت اٍيدي

******
مبسوطة البطانة وقاستا النقاعة
دار خبر الرحيل اتباشروبو جماعة
قاصداك اريل الفودة البضوى شعاعا
أحمت عينى تغمد عقربا اللطـاعة

محمد الطيب عمر
02-05-2010, 07:24 PM
كلام دهب عقب يابن عمى

القلبوسابي
02-05-2010, 11:20 PM
تسلم عاشق البطانة

لو ده عاشق البطانة البعرفوا أنا والله الخيمة جاها زول

القلبوسابي الحلتن وراكم

عاشق البطانة
03-05-2010, 06:25 PM
تسلم عاشق البطانة

لو ده عاشق البطانة البعرفوا أنا والله الخيمة جاها زول

القلبوسابي الحلتن وراكم

جنا قلــبوس سلام وليك مني تحية
اجدادك قبيل ناس سمتة واجوادية
معانا في وئام والجـــــيرة ورانية
اكرمـــــنا الإله بجيرة جاتنا هدية

عاشق البطانة
03-05-2010, 06:28 PM
حبـــــــاب القلبوسابي حبابو فرج الهم
حباب ود الاصول من جد وخال او عم
نفرح باللقاء وكل المــــــــــــــراد ينتم
اياني العاشق القاصــــدو وبقولك سمْ

ود البحر
03-05-2010, 06:30 PM
****


معلقة الفرجوني في رثاء حسان

والله انها من اروع ما سمعت وما قرأت

هذه مناحة مخلدة في تاريخ الأدب العربي

***

,مفقود يا خَرِيفْ دَارْنَا ال... بمِهل النَّجعة
ببكي عليك بكاياً فِيه كمِيَّن وجَعة
آخرهن فُراقاً لا خبَر لا رجْعة
وأولهِن رحِيلاً سَيتُو مِننا فَجْعَة
* * *
ببكِي عليك بُكاياً في ضَمايري جرُوحُو
بي حُزناً كتير غَلَبَن لِسَاني شروحو
درَّاج الضَّعيف ال... خيرُو مُو دُوب رُوحو
مَفقودَاً بشاشُولُو الضُعَاف وبنُوحُو
***
ود أبْ سن وكاملَ الحِن رَحَل فَارقْنَا
ماهل الدَّار وراحة الجار ، رحيلو حَرَقنَا
قَمر اللِّيل ، وصَمَد الخيل ،كفوفو دَرَقنا
مُونَتنَا وخَريف عَامُنا العَليهُو مَرَقْنا
* * *
تبكي عَليهُو أرض أجدادُو تبكي بَطاينُو
يبكي عليهُو جُوُداً مِنْ جِدُودُو مداينُو
ببكيهُ العَشِير ال..كَابِي فوقُو وصَايْنُو
ببكوهُ الضُّعَاف ال.. لي بَشَايرُو بعاينُو
****
ببكنُّو الصِّدِي ال.. فوقهِن حَديدهِن شَكْ
ببكنُّو السِّيُوف ال..ضَرِبَهن لا شَك
ببكيهُ القُطَابي ال.. فُوق مَجسَّفُو رَك
تَبكي بُطَانْة ابُوه ال.. مَا اندنت لي مك
* * *
فَارِس الصَّف ، وطاهر الكَف خبارُو اللَّيلة

ما لاقَانَا بِتبسمْ لَزوم الشيلَة
أبكن يا البُروق كُبَّن دُمُوعكَن سيْلة
رَقَد ال.. بسنِد الهَاكعَة وبِعَادْلَ الميلَة
***
رَقَدْ ال..مَسمِي فوق جَد جدو فُوق حَسَّان
وَدْ ال..لي مَحافل أُمَّات دِرُوع عِرسانْ
رَقَدْ ال.. في النَّشيد فايق علي حَسَّان
رقدْ ال .. وصَفُو في قُصر الكَلام إنسان
* * *
تبكي عليك بُطانتَك بالبروق ال.. لَحَّنْ
ويبكنَّك نَقَاقِير الِجِدود ال.. قحَّنْ
يبكنَّك سيوفاً يُوم طَنَاهِن صَحَّنْ
يبكُوك الضُّعاف وَكتْ المواجيد شَحَّنْ
****
يا فَارسَ النَّقَاقِير ال.. مَحَنضَل رُوزَكْ
الخَيل رَوَّقن يوم مَعركِيبهِن فَوزَكْ
ببكنَّك ودَيَّن كُلَّهِن في حُوزَكْ
ببكيك أبْ علي الجَدْ ال.. عَلَيهُ ركُوزَكْ
* * *
وافر الكَيل،وتِلَب الشيْل وخير العامَّة
صادق القُول ، ومينةَ العُول، ونُوم الهَامَّة
حليلْ حَسَّان حليل ذَاتُو ونَفَايلُو التَّامَّة
حَلحَال عُقدة الحجن الورَاهِنْ طامَّة
****
ما تَبكيهُ يا عَينْ بالدِّمُوع وخلاس
ابكي الدَّم على ال ..شَلَبي وسَخي وْوَد نَاسْ
خيراً عِندو ما كنَّاه للخُنَّاس
مُشرَع للضُّعَاف من كافَّة الأجناس
* * *
سَرَف القَيفْ ، وبَطَر الضِّيف ، ووارْث ابْواتُو
تَامَّ الكَيف ، ونِيل الهَيف ، خريف أوكَاتُو
زايلَة وهَلاَّ يا حليلُو ال.. نَبيهَة صِِفاتُو
يا حليلُو ال ... بِعيش مَرمِي القبيلَة شتاتُو
****
بِبكُوا الناس عَلى النَّاس بالدِّموعْ الجَاريَة
ويبكنَّك نَفَايلاً للمَكَارِم حَارْية
مَغبُونْ السحَابْ تكتُل بِروقُو الفارْية
هَادِي دمُوعُو نَزَلتْ فوقْ بُطانتك سَاريَة
* * *
يبكيك أب علي وحَسَّان ولا كاكُوم
ويتْرزَّم نحاس اجدادَك المَعَلُوم
يا المهَل ال... على ضَهَرُو الولايا تنوم
يبكنَّك خُيولَك عْْْْْْنْ مَلاقِي القُوم ?
* * *
يبكنَّك سِيوف أجدادك القطَّاع
ويبكيك أب عَلي ال..صَدَّ الهَمج مَا طاع
جَنسك مُو مَلَمْلِم بُرقة مُو لُطّاع
نُور في نُور كواكبَك كُلهِن سُطَّاع

****
يبكنَّك نقاقِير القَبيلة ال.. رَزّنْ
?يبكنك سِيوفاً فوق نحاسك هَزَّنْ
?تبكيك الخيول يُوم الرُّقاب ينجزّنْ
?يبكنَّك بطاينَا بي مِطُورهِن عزَّنْ
***
يبكيك الكَرم وايضاً فعايل السَّمْتَة
يبكنَّك همايلاً بي لِزومهِن قُمتَ
ما قَفَّلت بَابَك مِن مِجاورَك ونمتَ
شِلت الشيلْ مَطَبقْ ، للعشير مَا لمتَ
* * *
لا قاني القُطابي ، وقال حَلَفت قَسَمتَ
طرْ في الجو على سَابع القبايل حُمتَ
رَحلوا ال..بشبعُونِي وبي قفاهُم صُمتَ
فاتُو وماتُو هَجُواتي الكِتالِهُن غَمتَه
***
لا قاني القُطابي ، وقال لِي طِر في جَوِّي
حُمتَ وعُمتَ ما لِقيتْ مِنْ وَقَع في هَوِّي
الدُّغُم الكتالهُن بالحديد القوِّي
وكت اتنقُّو مِينْ تَاني ال..بجيبني مخوِّي
* * *
في ودَاعة الله ياحسّان حَسين الخلَّة
نَعَشَك مِنُو فوق أرض الجِنان تَدلي
عَاشرتَك سِنين عُمرَك مِنَافِي الذَّلة
رَادمُو عَلى قَفاك حمل الضَّعيف الكَلَّ
****
مَاكْ دُخرِي بَرَاي ، دخري ال..رَقَد مَغَلُوب
حِملَك شِلتُو جَاهِل مِنُو جاضَّة تلُوب
لاك شَكَّاي ولاك حَكاي ولاك مسْلوب
يا لبَنْ النَّخيبَة ال..للضُيوف مَحَلُوب ?
* * *
يَا اللَّدِر ال.. بَرَزِّم فِي الرضِيمَة أم شُوكْ
مالَهُنْ هِملوا مِنْ امِس اليتَامَى ال..جُوكْ
بتلفت وأعاين لَك وأقول لك غُوكْ
بسَمَع حِسَّي رايِح كُلُّو أُوك فِي أُوكْ
****
جِيتي زيارة فِي البَلَد البَعِيدْ طَلَّيتنِي
شَرَّف قَدري فوق عُليا النِجوُم علَّيتني
مُو خايل عليك يَاود أبُوي خليتني
لي حُزنَاً ببالِيني الدِّهُور وليتني
* * *
كَبدي مَعَلقابَكْ يا صَدِيق شبَّانِي
أولادَك جَنَاي وكلَّكُم حِبَّانِي
وُدَّاً من قديم طَوَّل بَنَاهُ البَانِي
بَتكَرَّفْ نَسيمكُم طِيبُو مَابَغَبَانِي
* * *
وُدَّاً فِي الضَّمير سَاكِن مُقِيم مُو مُبَارِح
خُوَّة وعُشرَة مِن زمَن الشَّبَاب السَّارِح
بَتَذّكر حَديثي معَاك تَقُول البَارِح
وعَينَي بذرِفن دَمْعَ الفُراق الجارِح
****
جِيتنِي زيارة في البَلَد البَعيدْ في الغُربة
بَرَّيتني ورَعَيت حَق الوِِدَاد والقُربَى
كَبدي مِن اليقين تالاكَ بقت مِنْخربَة
وعْدَك لي خَلفَتُو ، وشِلتَ مِنَّي التُّرْبَة
****
حُزنِي عَليك مَسرمَد لاهُ يُوم لاَ لَيلَة
فِيك عَزَّيتهَا نَفْسِ وفيك بعَزيْ قَبيلَة
حَدْ مَا البَرق يسُوق فُوق البَطَايِن نِيلة
تغَرَق عينِي دماع الغبينة يكِيلا
* * *
حُزنِي عَليك مَسرمَد ماه حُزنَاً دُوُنْ
حُزناً عمَّ مِنْ نَاس بيلا لا سِيدونْ
مِنْ عَاديكنا لا كَسَلا أُم جُبالاً كُونْ
الله يعزِي شُكريتَك مَحَل مَا تكُونْ
****
أصلها فَانَية والمُوت فيها ماهُ غَرِيبَة
لا بدُّور مَسَبب لا بِتكوسلُو ضَرِيبَة
سَمُّوها ام قِدود القَايسين تجريبَة
بتِّم العَمِيرة وتمشِي في تخرِيبه
* * *
لا عِنْد ال..بثكَّل فِي سمَاهُ يَحلِّقْ
لا بُد ليهُ يُوماً فِيه عُمرُو يغلِّقْ
مَلَك المُوت بِتبْ حَالِف عَليهُ مطَلِّق
ياخْد الرُوح ويرمِيهُ البَدَن مِطلِّق
****
أبْ رَسْوَة البنترِّ في رَضيمُو وكِرِّو
رِعْيان الحَلال هَابُوهُ مِنُّو انَصرُّو
ملك الموت بُجيهو غير يشاورو بضرو
يا كلُو الطيرْ وعَضَّامُو الحَصَيني يجُرُّو
* * *
جامُوساً بنفج الصُومَعيِّة ويسَرِّح
حَابس أمَّات عِجُولُو وللكتَّال متقرِّح
يجيهُو المُوت نِهاراً قايله مَاهُ تبرِّح
فوق عَضَّامُو جَقدُول والحِصينِي بَمرِّحْ
****
دمَّارة المِلوك الدِنيا مي دار فَايدَة
حَد مَا اتقدَمَت لا بُد بتعَكِس عَايدة
غَبَّارة الرَّجَال سِتْ الفعال الكَايدَة
لا خلَّـت بَليد لا سِيد نَبَاهةً زَايْدَة
* * *
ما تَحدِّثني بيها الدُّنيا شِن معَنَاهَا
خَربَانة ومشَّلَّع يا فَهيم مَبْنَاهَا
مَهمَا تمتعَك ليك الفِرُوع تََحناهَا
لا بُد ليها يُوماً منك بتَاخدُو طَنَاهَا
*****
أصلها فانية خربَانة وبِنَاهَا مَهَدَّم
كسَّارة وعكُوس بِتصدِ بَعَد تتقَدَّم
مفقود العلي ضَهَرو الحِمِل بتردَّم
وحَكم السِّيد مُطَاعْ نَرضاهُ مَا بِتنَدَّم
* * *
حاتِم والسَّمَوْءل ومُعْتَصِم واخوَانهُن م
بركَة نَاسْ ابُوهُن، تَبقَى في ديوانهُن م
تعمر دَار أبُوهُن ويَبقَى زاهِي أوانْهُن م
وأيَّام الدَّهر يبقن جميع أعوانهُن م

عاشق البطانة
03-05-2010, 06:31 PM
اتمنيت اشوفك بس الطريق اوف لاين
مناي نتلاقي في الدنيــا ويكون الكاين
جدك قارح الكان للمكـــــــــارم صاين
قاري كتابو صايم صومو عابد الداين

عاشق البطانة
03-05-2010, 06:33 PM
أصلها فانية خربَانة وبِنَاهَا مَهَدَّم
كسَّارة وعكُوس بِتصدِ بَعَد تتقَدَّم
مفقود العلي ضَهَرو الحِمِل بتردَّم
وحَكم السِّيد مُطَاعْ نَرضاهُ مَا بِتنَدَّم

حليل ناس زمان ياودبحر
بالامس كانوا هنا واليوم قد رحلوا

ود البحر
03-05-2010, 06:38 PM
تسلم عاشق البطانة

لو ده عاشق البطانة البعرفوا أنا والله الخيمة جاها زول

القلبوسابي الحلتن وراكم
القلبوسابي مقنع بنات اعمي
ركازة الضعيف البيفرج همي

مرحبتين حبابك ود عمي
ولا امكن انا غلطان هو حاتم عمي

عاشق البطانة
03-05-2010, 07:03 PM
لو دالخدر معروف قريب لي الديرة
ود اصل الرجال البفــــــرج الحيرة
بتب عجـــلان وكتين يجيبو السيرة
اجدادو مأصلين وبالشجاعة خبيرة

عاشق البطانة
03-05-2010, 07:06 PM
ياود عتمـــــان خليــك دوام اون لاين
مشتهين طلتك كم بيها زلــــــنا غباين
ماتبقى اوف دي صفة الجبان الخاين
نافي الخصلتين انت الكــرم فيك باين

القلبوسابي
03-05-2010, 11:39 PM
كلامك خاتي اللكنة يا الصافية سجيتو
موزون دهب من نفيس الدر جــــــبتو
تتباشر وجوه وتنفرج عن جـــــــــيتو
دربك زلق با ود الكــمن فى ليـــــــتو

الكمن فى ليتو التمساح والليه خليج صغير فى النهر يكمن فيه التمساح للصيد

حباب ودالفضل وحـــباب يوماً جابو
ودشلاع خودة الفارس المزرقن نابو
إت الفضل والجود والشكر ماك دابو
بصد العوق فى يوماً كتر ســـــكلابو


عمك لزم

التهامي محمد حميد البنا
06-05-2010, 04:59 PM
0
00
000

قال الحاردلو

إن أديـت وكـتـر الـمـا بـقــــــول أديـت

أب رسوة البكر حـجـر شـروع سيتيت

ابوندرق الموشح صـدره بالـســوميت

كا تال في الخلا عقبال كريم في البيت


000
00
0

((( ودمـــتـــم أونـــلايـــــن )))

عاشق البطانة
07-05-2010, 04:18 PM
الناس العلي الساحر بشقّوا الصيّ

أمسوا الليلة فوق راياً نجيض ما نيّ

ناس أب ترمة جاموس النحاس أب ديّ

عقدوا الشورة ميعادهم جبال كربيّ

ود البحر
07-05-2010, 04:42 PM
الحويتو رب الناس وإبن قصي
سهران منو راقد في موقي حصي
ال مع البلولي ديسو مقاسمو النصي
قوامو قوام جنبة وعينو صبي الصي

ود البحر
07-05-2010, 04:59 PM
جروحك نوسرن بعد الصقوط ماشاتـــــــــــــــــــــــن
ظروفك جوه جو قلبي المفوت باتـــــــــــــــــــــــــــن
غرامك منو كرعي قنبن اتخاتـــــــــــــــــــــــــــــــن
كريفك دواء جروحي وعروقي الماتــــــــــــــــــــــن

محبة مكه
07-05-2010, 09:22 PM
يا ناس سكنو البيت ازيكم بلا عتاب
جيتكم اشوف رويحتي في النم بنفع ولا قليبي كذاب
دحين كلامي سمح زين ولا انا فيهو قالو علي خايب

ابو اية
08-05-2010, 10:18 PM
يا ناس سكنو البيت ازيكم بلا عتاب
جيتكم اشوف رويحتي في النم بنفع ولا قليبي كذاب
دحين كلامي سمح زين ولا انا فيهو قالو علي خايب



وسـط الدارة نزلـن من قصورن
عامـن شوقـن قلبـي البـدورن
هج وضج في ود عينـي نـورن
وطابت روحي من نفحـة عطورن

قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة

ابو اية
08-05-2010, 10:20 PM
شكيت الصيدة كان شالت منامي
وهبّت جمرة الشوق في عضامي
عفيت الصيدة تسلم من كلامـي
براي بربحت تعذيبي وهيـامـي

حلـف بالله أنـا إن كُـت حليلـك
زي المتلي مـا ِبلمـح كحـيلـك
أغطـيك بالرموش في العين أشيلك
واخبيك فـي القليب نومـك مقيلك

محبة مكه
08-05-2010, 10:28 PM
شكيت الصيدة كان شالت منامي
وهبّت جمرة الشوق في عضامي
عفيت الصيدة تسلم من كلامـي
براي بربحت تعذيبي وهيـامـي

حلـف بالله أنـا إن كُـت حليلـك
زي المتلي مـا ِبلمـح كحـيلـك
أغطـيك بالرموش في العين أشيلك
واخبيك فـي القليب نومـك مقيلك

شن اقول عاد
راح الكلام ولا انعاد
ابو ايه جيت انا من غير معاد
لقيت دراب ونم وكلام كتير زيو ما بنعاد
خشيتو قليبي شعر دراب ونم

ود البحر
08-05-2010, 11:58 PM
غاب نجــــــــم النَطِح والحر علينا إشتدَ‎
ضَيـَّـقـْنـــــا وقِصــــــر لَيلُو ونهــــارُوْ إمتدَّ‎
نَظِرة‎ ‎المنـــــــــــُّو للقانون بِقيـــت إتحدَّ‎
فتحـــت عنــــــدي منطقـــة‎ ‎الغُنا الإنســَدَّ‎

دهب خالص
09-05-2010, 10:27 AM
الحقن اتملن والدابى جاتو فضيحتو
دون خاطر مرق ضاقت عليه فسيحتو
ادشا السرح كرفت هواهو منيحتو
المحريب شهق فتح قزايز ريحتو

عاشق البطانة
09-05-2010, 05:41 PM
يخسي الغربه كم ذلت جني عزّام
خلت ليلو ليلين والشهر أعوام
ظروف الناس بتجبر والقدر حكّام
كتير أوضاع مريره بتفرضه الأقسام

إيه معنى الندم مابفيدنا لو نتحسر
والمكتوم كتير ياصاحبي ما بتفسر
ده قرار قدر بعض الأمور تتعسر
عادل ولا ظالم بمشي ما بتكسر

النوراني
10-05-2010, 10:26 PM
قال النوراني
فوقـــــك ملمح الديفــــة العسينها مخـــدّر
ولحظك شتت افكـــــــارنا ولي عقلنا مودر
يا شــــــبه الارايــــــــــل البحلى متــــــندر
انتي جميلة وبين ريلات حِسان إت متصدر

النوراني
10-05-2010, 10:32 PM
فوقـــــك ملمح الديفــــة العسينها مخـــدّر
ولحظك شتت افكـــــــارنا ولي عقلنا مودّر
يا شــــــبه الارايــــــــــل البحلى متــــــندّر
انتي جميلة وبين ريلات حِسان إت متصدّر

عاشق البطانة
11-05-2010, 11:13 AM
حرقوصك نتل جاب من هواك دعاش


خيم فوقك الليلي ومكايل هاش


اتهتم سماك اسقى الكانوا عطاش


عربك تالته واقفين لابرش لافراش

ود البحر
11-05-2010, 11:19 AM
ياكور المفازات اللخبر فرك
وقبال تبقى نايب للوعر جرك
رئيس المنطقة المنو الغميد إنفك
أهجمو الليلة يالسمح اللقالو مدك

عاشق البطانة
11-05-2010, 11:31 AM
بقرأ ليـك يـس ليـك يـزيـد الجـكـه
ما دام شعـرى دفَّـق تانـى مـا بتوكـه
كيفن ألقـاك يـا الندفـه المواليـه الدكـه
خوفى أهاتى لامـن فـى التـراب اندكـه
********

عاشق البطانة
11-05-2010, 11:34 AM
ودالبحــــــر مرحب حبابك
سعيد الليلة يومــــــا جابك
حبابك لو الجيوش تتشابك
كنت هناك شايف ردم درابك

ود البحر
11-05-2010, 11:36 AM
لبس الدبلة ايدو الشمال مشبوكة
من غيو اب براطما بالزراق محبوكة
مكنة قلبي حرقت وانكسرما كوكا
آه المن فراقو بقت الروح مدروكة

عاشق البطانة
11-05-2010, 11:56 AM
أُم حزما قصار عم المتانى تاليها
لى زمنا طويل دايرك تغنى عليها
عقلها وفرى خانات الشكر ماليها
قفلت باب غناى فوقا وطلع عاليها

القلبوسابي
11-05-2010, 11:05 PM
الحويتو رب الناس وإبن قصي
سهران منو راقد في موقي حصي
ال مع البلولي ديسو مقاسمو النصي
قوامو قوام جنبة وعينو صبي الصي


ودبحر مرحب حبابك ألف

القصيده الفائته أظنها من أشعار أحمد (والله اعلم)
سمعتها كالاتي
الحويتو رب الناس وابن قصي
سهران منو رايغ فى موايقي حصي
خدو وسيم وديسو معم النصي
قوامو قوام جنيبه وعينو ظبية صي

وسهران منو رايغ فى موايقي حصي (ده كلامكم ناس الحنضلاب والحله والوراها ) رايغ وبتروغ لي شنو ؟
والمعني :
رايغ : من يروغ اي يتحرك فى عينه حصي وطبعاً شفت الانسان فى العينو (وقيعه) بساهر كيف
موايقي : هي المآقي اي العيون
والمربع من عدة مربعات ذكرت كالآتي :

يوم الاربعاء القم بيها من وتي
فايق بالي رايق تب الم مابي
سيد الجمال عاشقي المفدع وني
منع النوم اعودهن يانديم عيني

الحويتو رب الناس وابن قصي
سهران منو رايغ فى موايقي حصي
خدو وسيم وديسو معم النصي
قواموا قوام جنيبه وعينو ظبية صي

بلابل الدوح بكن قصدن إكابرن لي
لامن عرفن السبب اب سواراً لي
واحده فيهن قالت فى السهاد شن لي
قت ليها السهر سقيدو خلي لي

القلبوسابي

القلبوسابي
11-05-2010, 11:20 PM
ود بحر وعاشق البطانه وبقية العقد الفريد الغربه مابتندار

قت فيها

يا منزل الأنفال والمثاني السبعه
تبل شوقي بي شوفت النجوم السبعه
نسل قلبوس فارس الخيول السبعه
حسيبهم ما بهم ان مسوي السبعه

يارافع السماء وباسط الاراضي السبعه
تحل قيدي من هم السنين السبعه
اجب دعاي يا جاعل المنافس السبعه
اجني ثماري قبال حر الدرت والسبعة *
(سبعات الدرت )

ديار قلبوس بلد الرجال الفزعه
اجمل عندي من الكون والكواكب التسعه
ريدهم في الضمير كل حين بياخد لسعه
سلب نومي وعدم عظامي المزعه

ارحم ياكريم يا خالق البلابل السجعه
ارحم حالي من حر الدحيح والنجعه
اوسد ايدي بياض رمالها البٌدعه
اشم الهمبريب والنال واشوف الدمبلاب والربعه

القلبوسابي

القلبوسابي
11-05-2010, 11:36 PM
عندي عماً لي اسمو عبد الماجد ودبحر ذكرني الأسم اعلاه منذ فتره زارني الهام الشعر
(فى السليل بوادي الدواسر) فقلت وانا اتذكر ترحابه بنا نحن خاصة حيث كان يكن لنا احتراماً شديداً
ونبادله نفس الاحترام قلت :-


عمي بحر العلوم البايخد من قيفو
كان جراب راي جليسو متمم كيفو
فى الجود والكرم ما بتغبن ضيفو
لزام التقيله وكتاً تدق فوق قيفو

ابوي بحر الكرم الكارب خريفو وصيفو
كان لعزة قلابيسو دايماً مجرد سيفو
فى الجود والكرم كفو بينعش هيفو
حاراً فى الحاره حرو بيحرق صيفو

اللهم ارحمه واغفر له
القلبوسابي

القلبوسابي
12-05-2010, 12:09 AM
جروحك نوسرن بعد الصقوط ماشاتـــــــــــــــــــــــن
ظروفك جوه جو قلبي المفوت باتـــــــــــــــــــــــــــن
غرامك منو كرعي قنبن اتخاتـــــــــــــــــــــــــــــــن
كريفك دواء جروحي وعروقي الماتــــــــــــــــــــــن

تسلم ودبجر

غرامك منو كرعي قنبن اتخاتـــــــــــــــــــــــــــــــن

قي نفس المعني بيقول احمد ودعوض الكريم

حزاز بن فلانه العنقو ماهو مداكك
فصال تيلتو بين حزاز وريدها اساكك
لمح خيالو غابي مني دمي اتعاكك
اقدامي هون تحتي الارض تتراكك

القلبوسابي

ودالجزيرة
12-05-2010, 08:53 AM
اتمنى من كل اخواننا الذين يحفظون شئ من شعر البطانة ان لا يبخلوا علينا ويمدونا من تلك الدرر مع تحياتي

عاشق البطانة
12-05-2010, 11:23 AM
ديل بنيات عزاز ما فيهن كلام إتقـــال
لا ربطن وسط لا شـــــالن البطـــــال
حاملات المكارم دايرات سترة الحال
في البادية هناك جلبن كريم الفـــال

عاشق البطانة
12-05-2010, 11:24 AM
خت اناملوا فوق خـــــــدادو ســـالنا البســـــمة
فر اسنانو ذي بــــــــرق الســــــــــواري العتمة
حظي ابالي وين ما اتشابى اعمـــــــــل ختمــة
القى الازرق المسادي بيني وبينو عامل كتمـــة

عاشق البطانة
12-05-2010, 11:25 AM
قدر مابقول وانسى العشـــــــق واتغـــــابه
يظهرلي المفدع من نصـــــــهن يتشــــابه
اقول ياربي الســلامة تطــــعني بنشــــابه
وتبقى حويلتى معاه زي طيره في قــلابة

محمد الطيب عمر
12-05-2010, 07:32 PM
مدددددددددددددددددد
فسر ياعاشق البطانه
وين ماتشابى اعمل ختمه
القى الازرق المسادى بينى وبينو عامل كتمه

(ام التفسير يفسد المعنى)

القلبوسابي
12-05-2010, 10:55 PM
ديل بنيات عزاز ما فيهن كلام إتقـــال
لا ربطن وسط لا شـــــالن البطـــــال
حاملات المكارم دايرات سترة الحال
في البادية هناك جلبن كريم الفـــال

تسلم عاشق البطانه :

حتي عندما يأتي وصفهن في الشعر يتصفن بالحياء قال أحمد

لَيْ تعبنـاً مطِّولْ مِنُّو خِلاي حَابْسـُو
جِبتـُو الليلة إتْبوبَحْ ضَرَبْ فوقْ يَابْسـُو
أب خَداً بيلْمـَع بغضب مــُو عَابْسُو
مِتْـوطي الحِشـَمْ تُوبْ المَحامِدْ لابْسُو

وبالحياء

عِنْد الــــــوادي هَا الايِدُو جَاتـــــــــــــُو تَقِنْ
قَطَعْ في رَاســـــــُو كاس مَنْتــَة وقَزَازَة جِنْ*
عَلى هجوم السَحِى ألما بجيبْ كلام غِير حِنْ
كَضـــــــــَمْ القِيدْ وحِس كُورُو جَوالسُوْ تَطِنْ

براوه عليك ياالعجلك ترير البٌوكسي
جمعت البونه بي لعبه جنين التكسي
مع بالحشمه يا عند المقادم مكسي
جظك نجمو طالع ما هو ماش بالعكسي
القلبوسابي

القلبوسابي
12-05-2010, 10:58 PM
مدددددددددددددددددد
فسر ياعاشق البطانه
وين ماتشابى اعمل ختمه
القى الازرق المسادى بينى وبينو عامل كتمه

(ام التفسير يفسد المعنى)


الازرق المسادي أنا قابل والله اعلم الوضيب (الشعر) لكن اعمل ختمه حيرتني امكن فيها سر

القلبوسابي

ود البحر
12-05-2010, 11:13 PM
سيد حد الصبا المن الفسل متنــــــــــــــــــــــاحي
هو الخلاني في الدخان تملي بواحــــــــــــــــــــي
أكان الرب يجود بي ليلة الافراحـــــــــــــــــــي
أشوف قمر القسوم واطلق معاهو صـــــــراحي
كيفنك ياعم والله مشتاقين

القلبوسابي
12-05-2010, 11:15 PM
من اشعار الشيخ احمد ودعوض الكريم

عسلية اللشباوي الفتق طلاحك
بكره خٌصمه مقنيه وعنود فى مراحك
مسيكة المن غزير الموج قدف تمساحك
بيغني مورث الفقر الكلاله _ صباحك

سألت أحدهم عن معني اللشباوي قال :يرمز بها إلي الشخص من قبيلة رفاعة
والفتق طلاحك قال : شفت عود الطلح لمن إفتق عند الخريف أكان هبشتو هبشه بنكسر (كنايه عن اللين )
بكره خصمه : البكره معروفه وخصمه : متخاصمين فيها ، مقنيه : مدسوسه ، عنود : صعبة المراس
المسك : معروف يستخرج من التمساح

والبيت الآخير معناه

شوفتك فى الصباح تغني الوارث الفقر وراثه

القلبوسابي

ود البحر
12-05-2010, 11:24 PM
ودشوراني قال

أب صلعة القطابي الطار بعد مارك
أسرع منو فور هرع البروق لا شك
علي دكك الجنيب الراسي مك من مك
سوى مشي الهوى القالع بعد مافك

الصادق أب أمنة قال

أكل الصافي علاك يا أب سناماً رك
أبوك فارط الجدي الأخد الروينة وجك
علي ست الصبا الدكانا قاطع اليك
رايف وفكفك الحسكة أم حديداً شك

القلبوسابي
12-05-2010, 11:34 PM
من أشعاره أيضاً

التدري البأخر كٌلو مره عليو
قتلو آصفلي قالي سوارو مدقوق ليو
كبار وصغار رقيق نصفو ردفو فليو
جميل وظريف مفدع كلو سمح وحليو

المفردات :

التدري إسم جمل الشاعر ، البأحر :بكسر الباء من وخر ترك الشئ خلفه ، عليو : تصغير علو : المكان المرتفع
قتلو آصفلي : قلت له أصف لي (قال للبعير يصف له البنت ) قالي سوارو مدقوق ليو : تحمل معني أن يكون السوار مدقوق من أجله أو ليو من ملوي (هناك نوريه )
كبار وصغار (غلبت المفسرين ) رقيق نصفو : إي خصره رقيق ، ردفو فليو : الردف العجز والفليو تصغير فلو وهو المهر والخيل والحصان
مفدع : أفدع

القلبوسابي

القلبوسابي
12-05-2010, 11:39 PM
بعد إتفاضل الزهمول وسوطو جبك
جريك عنا وسرعك برق ونايبك كك
علي ست أم مرادةِ مني ما بتنفك
هجم كاضم وزي حاضن الحباره برك

دي القالها منو ودبحر

القلبوسابي

القلبوسابي
12-05-2010, 11:43 PM
سيد حد الصبا المن الفسل متنــــــــــــــــــــــاحي
هو الخلاني في الدخان تملي بواحــــــــــــــــــــي
أكان الرب يجود بي ليلة الافراحـــــــــــــــــــي
أشوف قمر القسوم واطلق معاهو صـــــــراحي
كيفنك ياعم والله مشتاقين


والله شوقنا بحر
القلبوسابي

ود البحر
12-05-2010, 11:46 PM
علي سليمان المرغمابي قال

حر عنافي نسل أماتو قاطع الشك
جدو الأبيض السابق خيول المك
الرمى الحجيل من النزيل الفك
بعيد ياأربد الشرق المجارب السك

القلبوسابي
12-05-2010, 11:52 PM
ودالبحر بمناسبة الدخان واحد زول كدوس(قمشه ) قال

براق القنوب الليله علا وطي
زكرني العقيدها علي جيهة ام رويق بشتي
الجهموره من لفح السقيط بتعتا
كل ما اطراها بأخد فى المفضض كتا

المفضض الكدوس (pipe)
بس المحيرني الجهموره من لفح السقيط بتعتا ( كل ما هب البرد زادت نيرانه )

القلبوسابي

ود البحر
12-05-2010, 11:58 PM
دنَاى المسافة اللهسالة ملاجج
هجر راسو ضغطو على وبرك متفاجج
هجم دور الفريد فى عصرو ومالو محاجج
دهب البرته تقليد مقبلو المتواجج

القلبوسابي
12-05-2010, 11:58 PM
الرهو المسافر للحجاز شرق
عادة جدك السوسيو عليها عرق
عاشقي منزه الطبع العليهو الرك
بعيد يا اربد الشرق المجارب السك

أجدع يا ودبحر خلنا النساهر بك
القلبوسابي

القلبوسابي
13-05-2010, 12:03 AM
احمد عوض الكريم مسدار الصباغ

مَرَقْ مخَلـوفْتُوْ وقَيت فُوقُوْ لَشَّقْ طَافـُوْ
شَدَّيتــُو ومغَـيت ســير القُشاطْ في هَافُو
عَشِيّــة رُقَادِي عِند الكامـلات اوصَافُو
افْدَعْ جِيد وأهيف وعَاليـَات ارْدَافُو


القلبوسابي

ود البحر
13-05-2010, 12:06 AM
أرُبْطو الجـانا ضامر لا كَبد ولا كرشة
سحّار الغروب جيب لي العلوق بي الورشة
نفِّصـنْ المراتب ؤطرَّحن بـي الفُرشة
داير يبـرى جرحاً في القلب مُــو خرشة

القلبوسابي
13-05-2010, 12:11 AM
دناي الغفارات البِعرْف الـعـــوم
نَقصـتَ عليقْتُو بَاكرْْ بيهو قَصْدي شَيوم*
كـان سَهَّل علينـا الواحد القيُّـــوم
بَشوف بُوْ الكـافي قاعِد ومِنْ وسِطْ مقسوم

اجدع يا ود بحر الليله نوم مافي

القلبوسابي

ود البحر
13-05-2010, 12:14 AM
المانعنا ما نشري ونبيع ونتجر
سمحاً وجهو كالبدر الشعاعو مفجر
الخلاني أقوم وأقعد وأغني وأسجر
قيل دونو بالشراد قبل لايهجر

القلبوسابي
13-05-2010, 12:18 AM
غِشيتْ عِدْ الصُّبـــــَاغْ نَشَّـــحْتُو فِيهُو نَشَاح
خَتَرْ واتــــــــــــِوَجَّه الغَافي المِسِن لُوْ وِشَاحْ
عَلي سِيدْ الجمـــــــــال ابُوْ مُدْفعـــــــاً رَشَّاحْ
قَنَّبْ يِحـــــــَاكي في تِعلْ الخــــــــــَلا الكَشَّاحْ

احمد
القلبوسابي

القلبوسابي
13-05-2010, 12:20 AM
جَاءُ بــــــَاري الْعُطـــاش تِيس الرَوايِن* دَاحْ
كُورُو يَجِضْ مِتــــِل كَلــــــــــــْب الخَلاَ النَبَّاحْ
هَجـــــــام دكــــة اـلرَعْنــــــــــاْ امْ عَبيراً فاحْ
مَصـــــــَعْ واتـْهـــبْلع الرِبْدالوَطَاطــُو صَباحْ

احمد عوض الكريم

ود البحر
13-05-2010, 12:21 AM
حرقوصك نتل جاب من هواك دعاش
خيم فوقك اليلي ومكايل هاش
اتهتم سماك اسقى الكانوا عطاش
عربك تالته واقفين لا برش لا فراش

القلبوسابي
13-05-2010, 12:21 AM
وَخَرْبِي القـــِرُون شَافْ أمْ عِشَيـــرة زَوالْ
قَصـــــــْدو يَقَصِّرْ النَقَع الشِـــــــروفُو طُوَالْ
عَلي هجيـــــــم الدكَكَا متُوتْلـــــةبِي الدَوَّالْ
شَدَّّ هَســـــــِالو*ْ شََّمر ؤشَنَّقْ الســــــــروالْ

القلبوسابي
13-05-2010, 12:22 AM
عِنْد الــــــوادي هَا الايِدُو جَاتـــــــــــــُو تَقِنْ
قَطَعْ في رَاســـــــُو كاس مَنْتــَة وقَزَازَة جِنْ*
عَلى هجوم السَحِى ألما بجيبْ كلام غِير حِنْ
كَضـــــــــَمْ القِيدْ وحِس كُورُو جَوالسُوْ تَطِنْ

القلبوسابي
13-05-2010, 12:24 AM
بينَــــــك وبيِن بِلـــــودْ العِنْدو فُوقْنَا حَقوقْ
جَاكْ صَيَّا مَفَاســــــِح وفي وطَاطُو شِقُوقْ
عَلى سُكــــــــّرْ نبات الفي العِــــلبْ مَدْقُوقْ
قَمــــــــــــاري الجَـالسَة خَلّيتِنْ يَسَوّنْ قُوقْ

القلبوسابي
13-05-2010, 12:25 AM
شَافْ شـــُوشْتْ الحَمَرَّب وليها فَاسِحْ عَاقْتُو*
دَرَعْتَ الســـوطْ عَلى سَرجُو ولِمِس حَراكْتُو
عَلى هَجيـــــــــم المَسرَّحْ عَابِدْ دلالو وفَاقتُو
رَحَلْ واتْشـــَابَى الشَبَّاك قَطَـــــــــــعْ عَلَّاقتو

القلبوسابي
13-05-2010, 12:26 AM
قَصَدْ العُقـــــــدة فات بِي سَافــــــــل الرَتَّاجْ
جَاء نَاطحْ الحَــــــــاكِم اللابس البِدل والتاجْ
تيس الحِنــــــُّو الهبَّرْ شـــــــــــِروكْ القَاجْ
قَيَّل فيهــــــــا قَبْل الحَر يجيب لي ازعَـاجْ

القلبوسابي
13-05-2010, 12:28 AM
مَابــــــــي النزلة ضــــــَرَّاع النَقيبات سَاجْ
دَاير الفي الجِدلْ طابقــة السُوار والعَاجْ
يِكشِّرْ نايبــــــو في ارض الحَصَى أب دَهَّاجْ
مَا خَصَّاهــــو في الهُرْبَة* المِســــِى مُدْهَاج

وبنتللافي فوق دروب المسادير

ود البحر
13-05-2010, 12:31 AM
سماك زرقتو الطاجن الممسوح
واتجمع سحابك زي سطور اللوح
اتكسيتي بي نسماً عطورو تفوح
وفيك ريحة دعاشاتا ترد الروح

واحدة واحدة نحنا يادوبك

القلبوسابي
13-05-2010, 12:36 AM
والله بكره أشبعك بس اسمح لي الساعه 12:30 بكره شغل تصبج علي خيرالحروف بقينا ما بنشوفها

القلبوسابي

ابو بكر عبد المنعم علي
13-05-2010, 03:44 PM
ان وقفت عـــــــــــــــــــــــــــديلة
وان مشت مبـــــــــــــــــــــرومة
وان قدلت معجنة من وسط مقسومة
وان قعدت موهطة واقساوة القومة
مضرومة حشي وعجوة محس قدومة

القلبوسابي
13-05-2010, 10:51 PM
الخيل والعسل فى الغزل

شلاخو بحار ود خدر فى سقايتو
كفلو معبد الخيل الصهل فى شايتو
رب العزه سمح عودو صب قنايتو
لهجو منزع البكري القلت نونايتو

شلاخو : الشلوخ كانت من محاسن المرأة _ بحار ود خدر فى سقياتو ودخدر كان مشهور بثقل السيوف (سقايه ) بحار : جمع بحر وهو الخط فى وسط السيف
كفلو : الكفل العجز والشايه : حلقه من حديد يربط بها الخيل
عودو : العود القوام ، القنايه يرمز بها للقوام
لهجو : اللهج الحديث ، منزع البكري أول مايستخرج من العسل ، قلت نونايتو :أصدر نحله صوتاً

وفي مربع تذكرت عجزه وغاب عني صدره (الباقي فتشو يا ود البحر جيبو )

كل ما تقول تضوق الفي شنانو نحلو بحلق
تبدالك جنابة البي عنانو بشلق

والفي شنانو نحلو بحلق : الشنان قربة العسل
والبي عنانو بشلق : الخيل

عندما تحاول جاهداً النيل من ذاك العسل تبدأ شدة وقسوة الخيل الذي يلوي عنقه بعيداً ساحباً وراءه لجامه



القلبوسابي

القلبوسابي
13-05-2010, 11:04 PM
جيدك والبراق فرسي رهان وندايد
حقبك والفلو الفوق النحاس مزايد
مايقك والجدي الضارب عسينو ونايد
فرك وساطع المزر أم صبيباً قايد
ود الفكي حمد

حقبك : الحقب الكفل والعجز
عسينو : العسين عشب ترعاه الصيد ، ونايد : نعسان (مغرود )
فرك : بسمك وبسمتك ، والمزر : السحاب

القلبوسابي

القلبوسابي
13-05-2010, 11:15 PM
ياود بحر بحكيلك حساري سببها
درعتاً عقيدها علي اب نقيب غببها
ربانيها هدل قامتا ورتبها
خلا جسمها ألين من قطن مرتبها

القلبوسابي

ود البحر
13-05-2010, 11:33 PM
مرجب القلبوسابي
بضحك ظاهري طول وباطني مو مطروح
الله كريم علي الجتة المفارقة الروح
بنعدي الايام يوم اجي وايام بتروح
متل عاشق ام شور منشوي ومسروح

القلبوسابي
14-05-2010, 01:58 PM
شفيع الأمه غرب وصعيد وسفلاً شام
توريني المزبن فى اليمن والشام
طبايعو حشام وغفرو مقمح العشام
عينو كبار زرقاً فى بياضهن شام

القلبوسابي

النوراني
14-05-2010, 03:12 PM
الأخ عاشق البطانة لك مني كل الود
المربع ..خته أناملو فوق خدادو سالنا البسمة ..هو من شعري وأنا من عد الغباش اللحويين
كتبت هذا المربع وكنت انذاك اركب مواصلات الحاج يوسف في دفار و كما معرف الدفار كنبتيين متواجهتين وكانت تجلس في إتجاهي فتاه جملية المحيا نظرت لها فوضعت اصبعها على خدها فبتسمت ثم انتم تعرفون الشماعة في الدفار اتت مجموعة من الجنوبين وبينهم واحد متين سكّــر أو اغلق المسافه بيني وبينها وقدر احاول انظر لا اجد طريقة لذلك قلت
حظي ابالي وين ما أتشــــابه أعمــــل ختمـــــه (تعني كل ما أحاول انظر أو اعيد الكرة)
القى الأزرق المسادي بيني وبينو عامل كتمة (الأزرق المسادي هو الجنوبي الواقف بيني وبين الفتاة اي ساد المسافة)
ونرجو منك يا عاشق البطانة ويا عاشق شعرالدوبيت إذا وجدت أي بيت عليه إسم النوراني نرجو أن تنشره بإسمي لحفظ الحقوق
وكذلك مربع قدر ما أقول أتوب أنسى العشق وأتغابى ولي كثير من شعر الدوبيت و اتمنى المواصله معكم لكن ظروف عملي أحياناَ تحول دون ذلك ، و لك مني كل التحية وكلّنـــا بطانة والســــــــلام

النوراني
14-05-2010, 03:17 PM
الأخ عاشق البطانة لك مني كل الود
المربع ..خته أناملو فوق خدادو سالنا البسمة ..هو من شعري وأنا من عد الغباش اللحويين
كتبت هذا المربع وكنت انذاك اركب مواصلات الحاج يوسف في دفار و كما معرف الدفار كنبتيين متواجهتين وكانت تجلس في إتجاهي فتاه جملية المحيا نظرت لها فوضعت اصبعها على خدها فبتسمت ثم انتم تعرفون الشماعة في الدفار اتت مجموعة من الجنوبين وبينهم واحد متين سكّــر أو اغلق المسافه بيني وبينها وقدر احاول انظر لا اجد طريقة لذلك قلت
حظي ابالي وين ما أتشــــابه أعمــــل ختمـــــه (تعني كل ما أحاول انظر أو اعيد الكرة)
القى الأزرق المسادي بيني وبينو عامل كتمة (الأزرق المسادي هو الجنوبي الواقف بيني وبين الفتاة عامل كتمة أي ساداَ كل المنافذ)
ونرجو منك يا عاشق البطانة ويا عاشق شعرالدوبيت إذا وجدت أي بيت عليه إسم النوراني أن تنشره بإسم لحفظ الحقوق وكذلك مبربع قدر ما اتوب انسى العشق وأتغابى وهو ايضاَ لي.. و لك مني كل التحية وكلّنـــا "بطانة " والســــــــلام]

ود البحر
14-05-2010, 03:23 PM
الدرعة العقيدك من ندايدو اتعطل
وهجينك دوَر الرزمى السحابو اتكتل
جديع النميم الفوق رفايقو مفتل
على العاجبنى زوقك يا المشيك مرتل

عاشق البطانة
14-05-2010, 04:50 PM
الليل حيلو راح والعالمين إنضــمُّو
أنا ودعيني ساهر وقلبي كتَّر هـــمو
بلد الجرحو بلصِف في الضماير دمو
عازم بُكره السكران أقبضو وأزمو

عاصي القمَّز العنافه خـالو وعمو
عند السكران ونسب أُم بهيب بنلمُّو
مُرتاح راحةً بارده سمين ورايق دمو
مو عارف حقايق سيدو كيفو وهمّو

القلبوسابي
14-05-2010, 04:55 PM
أوصافا من عجك الفروع تفاحه
خشماً بي قبيح ما علمتو فشاحه
غناي فوقها محكوم سُلطه موهو فصاحه
عنيف إجباري ناتلاهو أم حقيبه سماحه

ود سند

القلبوسابي

عاشق البطانة
14-05-2010, 04:57 PM
الأخ عاشق البطانة لك مني كل الود
المربع ..خته أناملو فوق خدادو سالنا البسمة ..هو من شعري وأنا من عد الغباش اللحويين
كتبت هذا المربع وكنت انذاك اركب مواصلات الحاج يوسف في دفار و كما معرف الدفار كنبتيين متواجهتين وكانت تجلس في إتجاهي فتاه جملية المحيا نظرت لها فوضعت اصبعها على خدها فبتسمت ثم انتم تعرفون الشماعة في الدفار اتت مجموعة من الجنوبين وبينهم واحد متين سكّــر أو اغلق المسافه بيني وبينها وقدر احاول انظر لا اجد طريقة لذلك قلت
حظي ابالي وين ما أتشــــابه أعمــــل ختمـــــه (تعني كل ما أحاول انظر أو اعيد الكرة)
القى الأزرق المسادي بيني وبينو عامل كتمة (الأزرق المسادي هو الجنوبي الواقف بيني وبين الفتاة اي ساد المسافة)
ونرجو منك يا عاشق البطانة ويا عاشق شعرالدوبيت إذا وجدت أي بيت عليه إسم النوراني نرجو أن تنشره بإسمي لحفظ الحقوق
وكذلك مربع قدر ما أقول أتوب أنسى العشق وأتغابى ولي كثير من شعر الدوبيت و اتمنى المواصله معكم لكن ظروف عملي أحياناَ تحول دون ذلك ، و لك مني كل التحية وكلّنـــا بطانة والســــــــلام

ود عـــــــــــــد الغباش اكـــرمت الله يزيدك
يا النوراني اخوي بلحيل بتابعوا قريضـــك
قول موزون مكمل و تشكـــــر عليه نشيدك
نحن اولاد بطاين في القــول السمح بنزيدك

((العاشق))

عاشق البطانة
14-05-2010, 05:01 PM
ود عد الغباش حقك مصان مابضيع
وهن ابعد بعيد حتما بجيــــــك مطيع
الله يخربو ملوال الوقفــــــــتو تريع
حجب النجفة والنوراني جابلو قطيع

وكت فيها حقوقا بتضيع أها (العاشق))

عاشق البطانة
14-05-2010, 05:06 PM
ظهر قلبوسابي عصر الجمعــة نور دارنا
صلينا واتغدينا حامــــدين الكريم غفــارنا
نقضي فروضو نهين ابليس نواصل جارنا
بشأن الإله نتلاقى في رفاعة ونعمر دارنا
((العاشق))

عاشق البطانة
14-05-2010, 05:12 PM
مرجب القلبوسابي
بضحك ظاهري طول وباطني مو مطروح
الله كريم علي الجتة المفارقة الروح
بنعدي الايام يوم اجي وايام بتروح
متل عاشق ام شور منشوي ومسروح

بحاري اخوي اضحك وانبســـط في الزايلة
شن معناها تحزن من ام عمــــارة مايلـــة
مشتاقين نشـــــوفك ونتحـــرى جيتك قايلة
بشكر في اولاد بحر والشكرة فوقهم خايلة
((العاشق))

عاشق البطانة
14-05-2010, 05:17 PM
بحاراب وقلبوساب طريت عزا كريم الليلة
معروفين جيرة وسمتة اصيلة مافــي مثيلة
سداسة رأي درفونكم بشيل الشـــــــــــــيلة
ودعبدالله وود البشير ياحليل جدودي الليلة
((العاشق))

ود البحر
14-05-2010, 06:23 PM
ود الفضل اخوي اضحك كيف
فارق علي ليم العفيف وظريف
شاويني الحنين هابة سمايم صيف
كلو ما اطارهو دقات القلب بتقبف

القلبوسابي
14-05-2010, 07:08 PM
بحاراب وقلبوساب طريت عزا كريم الليلة
معروفين جيرة وسمتة اصيلة مافــي مثيلة
سداسة رأي درفونكم بشيل الشـــــــــــــيلة
ودعبدالله وود البشير ياحليل جدودي الليلة
((العاشق))

عاشق البطانه تسلم والله ذكرتني عزاً كريم الليله

قالوا عم عبد الله ودعثمان إشيل عصاتو وإقول ماشي إتونس مع عبد الماجد ود بحر وأجي
إعدي (إسبوع تمام ) لمن إلحقو إجيبو والخير كان راقد إبل غنم بقر وهاك ياسمن بالقرعه

عزاً من قدبم طلع فوق سمانا شموس
مرقاَ في السما وعرقاً فى الأرض مسيوس
هسع ودسند لبس فارسك دروع ولبوس
قال شهدت مرعفين فوق سرجو ودقلبوس

الشاعر حاتم الخضر

القلبوسابي

القلبوسابي
14-05-2010, 07:28 PM
ود الفضل اخوي اضحك كيف
فارق علي ليم العفيف وظريف
شاويني الحنين هابة سمايم صيف
كلو ما اطارهو دقات القلب بتقبف

اضحك عديل اصلو الدنيا عماراً زايل
الوش العبوس ما عدلو يوم حالاَ مايل
أسل خبير كم سكب عليهن دمعا سايل
هدر دم العشوق فوق طبعهن خايل




القلبوسابي

القلبوسابي
14-05-2010, 07:34 PM
من مسدار القمري
داك شرف أم هشيمه الكلو طار واسادي
يا جرت حســـــــــكتك لي بقيت عاده
ظبية عنس الصي الوردهن مـــادي
خلت كور شديدك من رحيلك نادي


القلبوسابي

القلبوسابي
14-05-2010, 08:02 PM
من مسدار العاصي للشاعر الشاب صديق عمر الحاج (ود كٍٍِره)

العاصي من سجن الرباط ما انحلا
صرف دورين فى تالت الشهور الهلا
الخلاني فوق جمر ام لهيب بتقلا
مربوع قامه وديسو للمتاني ادلا

العاصي خت فوق بطانة الخير ميدانو
وجه بعيد قبض فى الصباغ نيشانو
علي ما قالو مسيخ فى لسانو
قافا ديار قلبوس دوبا ونطح فرقانو

قوز اولاد حشيش وشديرو العمه
عقبتو يادناي بعيدو وكيفك تمه
علي ظبيه الريل المناكره اللمه
سيدك درع سواقك ونمه


جبل اللبتور جاهو زي برق السواري إلوح
جافل بالزمام شاق أم خلايا دوح
ناطح البريدو وليهو القلب مشروحو
هادل ديسو كتفو وكاسي منو اللوح

القلبوسابي

القلبوسابي
14-05-2010, 08:55 PM
المندرا والجبل المزارو ضريح
جاهو طاير العنافي سابق الريح
القلل صبري وخلا نومي شحيح
ناير خدو ســـــــاده وجه صبيح

ود كِره

القلبوسابي

القلبوسابي
14-05-2010, 09:02 PM
العاصي الشارد كوعو من جناحو وزورو
وخر شدير الخور ابجراد وحفيرو
علي بلد الهادي طبعو وصعب علينا نفورو
اجمع فى غفار الصي مغرد كورو


مسدار العاص (ود كره)

القلبوسابي

ود البحر
14-05-2010, 09:18 PM
الدرعة العقيدك لفحة أم كانجيل
وعنقك ظبية وفيك ارداف سبيكة الخيل
البسماتا تبهر فى ظلام الليل
تلِى الجدلة وحلانة ومشيك تقيل
ام كانجيل دي شنو يا عم والله ما عارفا

القلبوسابي
14-05-2010, 11:20 PM
الدرعة العقيدك لفحة أم كانجيل
وعنقك ظبية وفيك ارداف سبيكة الخيل
البسماتا تبهر فى ظلام الليل
تلِى الجدلة وحلانة ومشيك تقيل
ام كانجيل دي شنو يا عم والله ما عارفا

والله ياود البحر دي دايره بله ودجلد بس بجتهلك فيها

الدرعه : الصيده وسميت بالدرعه لان لونها الأحمر الذي يغطي ظهرها كالدرع أما بطنها فولنها أبيض قال فيها الحاردلو (بيضة شاش قرايبهن تريع البال )
والعقبد : هو ذكر الصيد هو الذي برعاها ويدور لها المرعي ويدافع عنها فى حالة وجود خطر
أما الكلمه (لفحة ) إذا كانت (لفحته ) إي مايتغطي به وبيلتحفه فأم كانجيل قد تكون نبات ( ولا بعدت المعني )
أو قد تكون إسم مكان لمرعي والله أعلم

خلني اتصلك علي بله
القلبوسابي

ود البحر
14-05-2010, 11:42 PM
والله ياود البحر دي دايره بله ودجلد بس بجتهلك فيها

الدرعه : الصيده وسميت بالدرعه لان لونها الأحمر الذي يغطي ظهرها كالدرع أما بطنها فولنها أبيض قال فيها الحاردلو (بيضة شاش قرايبهن تريع البال )
والعقبد : هو ذكر الصيد هو الذي برعاها ويدور لها المرعي ويدافع عنها فى حالة وجود خطر
أما الكلمه (لفحة ) إذا كانت (لفحته ) إي مايتغطي به وبيلتحفه فأم كانجيل قد تكون نبات ( ولا بعدت المعني )
أو قد تكون إسم مكان لمرعي والله أعلم

خلني اتصلك علي بله
القلبوسابي

الله اتم نورو عليك
كدا انا فهمت اصلا انا سمعت ام كانجيل دي خواجية قبال شرحك دا مستبعد المعني

هسع وضحت ( الخواجية لا بسة قطيفة حمرا ولونها ابيض ) يا سلام يا فهم
تسلم

ود البحر
15-05-2010, 12:02 AM
الدرعة العقيدك دوَر ام ميمون
فريدة عصرك القصر الندايدك دون
الخداده انضف من دهب شيبون
وذريق ريقا ألذ من عكة المسنون

النوراني
15-05-2010, 07:54 AM
لك التحية أخي عاشق البطانه
قال النوراني اليوم

يا عاشق البطانة أوفـــيت وقــــولك زايـــــد
ومعروف اهل البطانة أصحاب عزِم وشدايد
شعـــــرك زان قريضي جمّــل عملو قلايــــد
إطولك بالرياض وإلقــــــــــاك تامي فوايـــد

النوراني
15-05-2010, 08:04 AM
إهدا إلي عاشق البطانه
ملـــــــوال يوم وقــف ســـــــدَ المنافذ كتــــــّم
حجب الجمــيل ضِي سنو برق الدياجي العُتّــم
بشوف الحســــــن هيلو وبي العشـــق إتحزّم
طلق النار بهاهـــو وفينا صــــــال وإتقــــــدّم

عاشق البطانة
15-05-2010, 12:10 PM
النوراني اخوي مشكور وصلني سلامك
وفي رياض الخير موزون بجيني كلامك
مالك غبت امس النوراني اخوي علامك؟
في الدارين سعيد ياخوي تطــــول ايامك

النوراني
15-05-2010, 12:41 PM
النوراني اخوي مشكور وصلني سلامك
وفي رياض الخير موزون بجيني كلامك
مالك غبت امس النوراني اخوي علامك؟
في الدارين سعيد ياخوي تطــــول ايامك

التحيه لك اخي عاشق البطان

بحب أهل البطانه وبحـــــــــب تملي قصيدهم
وبحب أهل البطانةيوم المحاص يوم عيدهم
وين ما مشـــــــيت تلقى قليبي بريـــــــدهم
أصحاب كـــــرم وبساله وأسأل الله يزيدهم

عبدالرحمن الجزولي
15-05-2010, 01:33 PM
أنا مما أقوم صغير بلعب فى المنقلن قلقيب وخاتم البنات فى ايدى
وآحده فيهن رفعت اللكيب وقنبت ..... لى قايلانى جاهلاً صغير ما بعرف الغى
مسكتها من ايدها قاتلى كسر كمى مسكتها من ضراعها مشت وجابت البجننى
.................................................. ..............................................
هذا الدوبيب سمعته من أخى وصديقى محمد الحسن يوسف الحردلو أيام كنا
زملاء بمدرسة لطفى
بالنسبة للكلمة مكان النقاط أنا آسف لم استطيع كتابتها لحرمة المنتدى .
.................................................. ...............................................
ياريت لو الأخ محمدالحسن يوسف الحردلو يتواصل معنا فى هذا المنتدى وسوف
يكون له دور فعًال فى اثراءه بمختلف المواضيع الأدبية .

عاشق البطانة
15-05-2010, 05:53 PM
يا طير إن مشيت سلم على حباني

جيب خبر الوطن يمكن قليبو طراني

جيب نسّام زلالو المنّو مرة رواني

جيب لمحات جمالو الأصلي مو برّاني
((صلاح احمد ابراهيم))

عاشق البطانة
15-05-2010, 06:02 PM
المندرا والجبل المزارو ضريح
جاهو طاير العنافي سابق الريح
القلل صبري وخلا نومي شحيح
ناير خدو ســـــــاده وجه صبيح

ود كِره

القلبوسابي

قلبوسابي نورت الرياض
بفــــوح شذاك العم فاض

القلبوسابي
18-05-2010, 11:50 AM
يقول أحمد ود عوض الكريم :

خفك دبكرً يا عن مناســمو مدكم
بشيش دوماتو بي كنغو الفرانسه ملقم
ناطح اللمو مترين منو مابتقدم
كسب الشوح وقام بعد المساهر فقم

والمعني :
الخف : هو خف البعير / دبكراً : متوسط ليس كبير ولاصغير / يا عن : إلي عند ويقصد (حتي مناسمه ) / مناسمو : جمع منسم وهو معني عربي فصيح نجده فى معلقة زهير بن أبي سلمه (يوطئ بنسم )
مدكم : ملئ باللحم والمعني العام ( أن خفه متوسط ليس بالكبير وال الصغير وأن منسمه ملئ باللحم )
بشيش : ورد معناها وهو خروج الماء / دوماتو :مفردها دومه وتوجد فى مؤخرة رأس البعير / كنغو الفرانسه : يقصد به الكنغو الفرنسي وكان الكنغو مستعمره فرنسيه وهو هنا مجاز مرسل يقصد به البن لأن البن يأتي من الكنغو / ملقم : مخلوط من لقم الشاي إي خلط الماء بالشاي ولقم البن إي خلط البن بالماء
ويقصد فى هذا المعني (أن عرقه أسود كأنه خلط بالبن )
ناطح : قاصد / اللمو : الأمه ويقصد أم الغزال أو الصيد تشبيهاً للمحبوبه بالصيد / مترين منو مابتقدم : ويعني أن صغير الغزال لاتفارقه أمه
كسب الشوح : الشوح السفر / وقام بعد المساهر فقم : فقم إي فتح فمه فى أثناء النوم ( بدر بالرحيل قبل أن ينوم المساهر إي ليلاً ) وكان الشيخ أحمد يحبذ السفر باليل وورد ذلك فى قول الشاعر

محتار فى السفر بالقايله والليل بارد
محتار فى الركوب غير أب جناحاً شارد

عبدالرحمن الجزولي
18-05-2010, 12:45 PM
الأخت السرة أحييك على هذا الموضوع الجميل الذى يؤكد الانتماء للبيئه والأصاله
لا اننا وبكل أسف مع اننا من مدينة رفاعة العريقة والتى تعتبر عاصمة البطانة
لا نعرف كثيراً عن الدوبيت والنمة والمسدار وأقول اننا بالجمع لأنى متأكد
بأن أكثر من 95% من سكان رفاعة يجهلون هذا النوع من الأدب
لذا أرجو منك أنتى ومن يعرف من الأعضاء عن الدوبيت والنمة
والمسدار أن يواصلو مشاركاتهم ولكن مع الشرح لكثير من
العبارات التى ربما يصعب فهمها علينا
ولك خالص تحياتى وشكرى

عاشق البطانة
19-05-2010, 05:07 PM
الرؤساء العرب فتحو الخشوم بي دهشة
كونهم الجميع بتضارو من فد هرشة
قايلين الفراسة زمانا روّح كشّ
قال ليهم يمين تنقد محل مي هشّة

ود البحر
19-05-2010, 05:12 PM
ليل الغمة هود والبروق اتلان

دموع الوجعة جن زى السحابات شالن

ملن قرب العيون لكنهن ما سالن

مو من قلهن بس فى الوجوه ما خالن

عاشق البطانة
19-05-2010, 05:12 PM
فى فصل الخريف يا ربى كيف العودة
لام قلبا شفيف كل الطرق مسدودة
يا قلبى العفيف دايما وقعتك سودة
روح لا تقيف الحب طريقته وحيدة
شد سرج الغرام و اركب خيول الريدة

الظبى المدرب على السماح و العفة
ساب زولا تغرب أوب تغابى العرفة
يا أب طبعا مشرب بالسماح و العفة
جيب شايا مكرب بالهبهان و القرفة
واقعد جنبى قرب و افتح قليبك ضلفة

يا الزول البعيد سيد المقام العالى
كالظبى الشريد تايه و ماك مبالى
ارجع لى عود رجع لى كل امالى
أتعبنى الصدود يا ريته حالك حالى

يا السمحة ام رسن ست الجمال الصافى
انا قلبى اتوهن و ات ماك دواى الشافى
ان طال جفاك على بشكيك (للمتعافى)
و ان مت فى دربك و الله منك عافى

بعينى شفتو يميس الحور فريع البانه
عشمان عشم عشم إبليس القال يزور بستانه
لو حتى أبقى فطيس حرم أموت فى شانه
عطرك سوار باريس خلى العرب رطانه!

يا أب حسنا تمادى طامح بعيد غاياته
لوح لى نادى و اسلمنى كل راياته
يا قلبى المتيم سعدك دنت ساعاته
غيما فيك خيم أحيا القليب و مواته

البدر اكتمل و دنينا نلنا أملنا
سرح سودان قفل رسم الحرير بالحنة
أوه قلبى و جفل يوم مال على وحن
ضوقنى العسل فى النار دخلت الجنة!

عاشق البطانة
19-05-2010, 05:17 PM
ليل الغمة هود والبروق اتلان

دموع الوجعة جن زى السحابات شالن

ملن قرب العيون لكنهن ما سالن

مو من قلهن بس فى الوجوه ما خالن

طولت بالجــــــــد منك ياودبحر ياغالي
صحــــــــــبتك بالجد دوام هي راس مالي
شامخ وسامي فوق دايما مكانك عالي
تسلم بابكر ودالبحــــــــــــــــــر ياخالي

ود البحر
19-05-2010, 05:33 PM
طولت بالجــــــــد منك ياودبحر ياغالي
صحــــــــــبتك بالجد دوام هي راس مالي
شامخ وسامي فوق دايما مكانك عالي
تسلم بابكر ودالبحــــــــــــــــــر ياخالي
إزيك ياالغالي وابن الغالي
يا الشامخ الكريم مقامك عالي
ذكرتك ياعمر والله دوام علي بالي
مشاتق ليك يا ود خاتي وخالي

ود البحر
19-05-2010, 05:34 PM
زولك لو خدم حد العمر والشيب
ما بيحصد تلت دينك خلاصو صعيب
يا ديفة البجادعن للعمر حمديب
طال الشوق وفرقك اظنو ماهو قريب

عاشق البطانة
19-05-2010, 06:16 PM
لوطال العمـــــــــر ليهم بنوفي الدين
ود ناسا اصول تقوى وفراسة ودين
وين ود الكموقة قول ليه اظهر بين
معاي ود الخدر ساكن قصاد ستين (*)
*شارع ستين

القلبوسابي
20-05-2010, 11:54 PM
ود البحر وعاشق البطانه لكم التحيه ولبقية رواد صفحة الدوبيت

أمسيت بي سيطان غرامو مسلج
والقلب عاودو الهلواس بعد ما دلج
أب ســـناً زي برق العشا البتفلج
رقيق متنه مربوع قامه لتيب ما علج

القلبوسابي

القلبوسابي
21-05-2010, 12:56 AM
ياود البحر وعاشق البطانه سلام :

مريت اليوم بمنتدي قري رفاعه ولقت موضوع عن الكبري وفي واحد معلق والظاهر أنو ما هو من رفاعه
بس عاوز إعمل فتنه ورفاعه بريئه منه كما قال أحد الأعضاء بس الكويس ألهمني ببعض الأبيات وأبت نفسي
إلا أن أطلعكم عليها وحقوق النشر محفوظه لي
قال

واللة نحن ناس رفاعه مبنستفيد ناس القرى غير الزحمة ماعملين لينا شي
وبشوف براك

قلت

نحن صبينا ما نزل فى الداره وإنقسم لآ نصو
درب السوط علي ضهرو مواقع رصو
ركابين نحن علي العنافي البهرج ضرسو
كسارين لي غارب العضم المعاسر قصو

نحن ما بندس مع النسوان نخامس اللقمه
ديوان مشروع ورد للقريب والبعيد لمه
إين جيت بي سمح نديك علي الصدير ضمه
وإن جيت بي عوج يانا عاد عقود السمه

فينا العالم الحافظ الكتاب فوق راسو
وفينا الطبيب البداوي والوجع و امغاسو
نحن بندخل لجة الوكر القنع حباسو
نحن بنفرتق حافلة العوق البدوي نحاسو


القلبوسابي

عاشق البطانة
21-05-2010, 02:22 AM
فينا اسود بتاكل نم
فينا فهود يوم اللم
نحن شجاعة نحن فهم
وكت نعزم نقول حرم

ودالكموقه
21-05-2010, 09:26 PM
ودالكموقه قاعد وبشرب من شهدكم
وما خااااب ظن من قصد موردكم
نشم عبق زهوركم ووردكم
وأريييييتو الرد يكون قدركم


يا عمر ودالخدر منو وتحياتى لودالبحر

ودالكموقه
21-05-2010, 09:34 PM
ودالكموقه قاعد وبشرب من شهدكم
وما خااااب ظن من قصد موردكم
نشم عبق زهوركم ووردكم
وأريييييتو الرد يكون قدركم


يا عمر ودالخدر منو وتحياتى لودالبحر

ود البحر
21-05-2010, 09:52 PM
زولك لو خدم حد العمر والشيب
ما بيحصد تلت دينك خلاصو صعيب
يا ديفة البجادعن للعمر حمديب
طال الشوق وفرقك اظنو ماهو قريب
ازيك يا ود الاحمر

اسامة يوسف
21-05-2010, 09:59 PM
منو البشتم القرية ونبز ناسا
ونحنا يمين لي عازة مقنع راسا
البحر العريض بنخوضو نحنا دواسا
والحرب ام عجاج ابواتنا دقو نحاسا

ودالكموقه
21-05-2010, 10:26 PM
يا حاتم ودالخدر ما ترد للزويل وسويلو قيمه
هن خبرو بالكرم دا عندو السندوتش وليمه
رفاعه بريه منو وقراها من أمثالو سليمه
خلينا فى المنتدى على محبتنا الله علينا يديما


ولك ودى الهادى ودالاحمر

النوراني
21-05-2010, 10:27 PM
قال النوراني
من شفت اللواقح بات العشم جــــواي
وبالضحوي المبكر هرف القزع بكاي
بي ألمي النــــــزل بتملس العكــــــاي
تهتز كل رابيــــــة ووتمايل القوقـــاي

النوراني
21-05-2010, 10:34 PM
النوراني بعقّـــــب

المطر إن دشـــر كم يفــــــرحوا العربان
وبي كابي الضحي إتجاقمـــن وديــــــــان
الولد العـِرف وشاف ترسو أضحى ملان
عند ساعة المسور ما بقمّح الفقــــــران

ودالكموقه
21-05-2010, 11:26 PM
سندنا تروسنا وعشمنا فى مولانا يتمهن للزيق
تمبسط ام خدود وترتع جقله وينفرج الضيق
تتكيل مطامرنا ونصدح ونطرب ونجالس العشيق
وينتم كيفنا يا النورانى وفى الخيمه تكون لنا رفيق



شكرا على التوقيع يا النورانى

ابو بكر عبد المنعم علي
22-05-2010, 12:54 AM
نحنا من تبينا مافي رجال هزتـــــــــــــــنا
موية النار شرابنا ولحم الاسود مزتنا
مشهود الرجال تخشي وتهاب مرقتنا
فرش البيت حرير ترقد عليو وزتنا

ابو بكر عبد المنعم علي
22-05-2010, 12:58 AM
الشنيطة ماجاييها نار الله توقد فيها
نار الله توقد فيها ماتلقي زول يطفيها
بكري اخوي الرايق رجليهو كالمرايق
يايمة ماشوفتيهو اتقدل في مشيهو
يتقدل في مشيهو كان دار عيني بديهو

النوراني
22-05-2010, 08:52 AM
للك التحية أخي ود الكموقة ونتمنى أن نكون من يثرون هذه الصفحة لأنها صفحة تهتم بتراث شعبي يحمل ويدعو إلى القيم النبيلة ويمثل تراث بادية ، مع فائق شكري
وهاك ترحيب

مرحب ودكموقة ومرحب جميع خلاني
ومرحب كل زول بحِمِل ملامح أوطاني
مرحب كل زول بحِمِل جميل وجـــداني
ومرحب كل زول سامِق بقول سوداني

وهاك تعقيب
شلـــــــــــناه في مخالي وأتوكلــنا بالباكــــــــرية
بديت بي راس عَـزاز وزرع في الحقــن عصريه
قـــال ليَ المتيربي ما بسففــــــــــن إيديـــــــــا
يا سيـــــد أم عشــــــوش يا موفي للمكــــــرية

عاشق البطانة
22-05-2010, 04:59 PM
النوراني وود الكمــــــوقة اتــلاقو
بهدلو للجبان خلوهو في عــــولاقو
رفاعة برية من هادا الكتِر خولاقو
فراسة الرجال بعرفوها وقت يتلاقو

ودالكموقه
23-05-2010, 02:38 PM
أتلقانى النورانى اتقدل تابى وباسم وهاش
من ترحابو عرفتو ودأصول الباش
المكارم هيلو ورثه وفى اللجج دقاش
جارو مامنو حاشاهو مو غشاش


لك التحيه النورانى وشكرا
يا عمر كفاهو واللا

ودالاحمر

عاشق البطانة
23-05-2010, 04:44 PM
حفير مرزوق ياود الكموقةطريتا الليلة
بحر ابيض ســـدرجاب الغباش من بيلا
درب امشانق الساسقناه خطـــوة عديلة
وين اخواني المعاي الكان بشيلو الشيلة

عاشق البطانة
23-05-2010, 04:48 PM
في ام شانق هناك اتعلمنا واتربينا
اساتذة فهم ورجال وجوها حسينة
منها اتخرجنا لكن نفوسـنا حزينة
ومعروف الرجال مابنكرو الا اضينة

القلبوسابي
23-05-2010, 10:41 PM
الأخوة فى خيمة الحاردو :عاشق البطانه ود البحر ود الأحمر والنوراني وبقية العقد الفريد السلام عليكم

السوداني خلاصة نتاج قبايل عرفت بالفراسة والكرم أخرجت لنا الشخص (عزيز النفس مرفوع الهامه ) فمن منا ليس له علاقة في جميع قبائل السوان العربية
إنتهي زمن العنصريه والجهويه وجاء زمن السودانيه

سألني سعودي السودان فيه قبائل

قلت

نحن أولاد شـــكير صاعقة التلوي البيدوي رزٍٍٍِمّها
ونحن أولاد جعل نار الهشـــــيم المٍـــقاسي ردٍمّها
نحن أولاد بطحان النفس في درب الهلاك سايٍمّها
نحن كــــــــــــــواهله ندخل الوكر أم نغيت نلزمّها

القلبوسابي

النوراني
27-05-2010, 08:41 PM
لك التحية اخي القلبوسابي ، عاشق البطانة وبقية العقد الماسي البطانه واهلها من كل القبائل تستاهل الكتير

النوراني يقول بعد أن قراء ما كتبه القلبوسابي

نحــــن في البطان انسال عــرب وبداوة
ونحــن بنطلِـق الأشعار ونزيدها طلاوة
فينا قلبوس وعاشـــــق البطانه علاوة
ونحن كان ضربنا الخصم محال إداوى


وعن كل السودانيين بقول
نحن أسود نخوض الحارة ميها النية
ونحــن قُدرنا برفــع راس حــــرم وبهية
نحـــن عُمرنا للغـــلبان نديهــــو هديـــة
ونحـــن عدونا كان صقـــــراً نقلِبو حِدية

النوراني
27-05-2010, 08:56 PM
أهداء الى أخي عاشق البطانة وجميع الاأهل باُم شانق
أُم شانق هناك خــــوة وكرم وبســـــــــــالة
فيها شاب يمين كم خايلة فوقو اصــــــــالة
فيها صفات عمومة ،جدي وملامح الخالـة
ونحن لضعيف نخـــــــوة ومحـــــــال نتعالى

ودالكموقه
28-05-2010, 09:33 PM
أم شانق ليها الفضل بعد المولى فى رفعتنا
خوجلى وأبوريسه وودمساعد محو اميتنا
ضافونا الثقافه لى قيم جدودنا بيهم معزتنا
الشكر لى الله ثم أولاد جعل الرجحو كفتنا



ودالاحمر

عاشق البطانة
29-05-2010, 07:03 AM
أهداء الى أخي عاشق البطانة وجميع الاأهل باُم شانق
أُم شانق هناك خــــوة وكرم وبســـــــــــالة
فيها شاب يمين كم خايلة فوقو اصــــــــالة
فيها صفات عمومة ،جدي وملامح الخالـة
ونحن لضعيف نخـــــــوة ومحـــــــال نتعالى



لدار اولاد جعل برسل سلام واشواق

ابو بكر عبد المنعم علي
30-05-2010, 12:03 PM
سلمنا الدفاتر والكشوف والخزنة رب العباد يغفر في مامضي ويحفظنا
حذاراك يالرفيق من البلاد ام بودة وحذاراك من الفلا المردودا
اخد بنت الرجال البرقعوا المقدودة بشيلولك جناك ان تمت المعدودة

عاشق البطانة
30-05-2010, 05:22 PM
نياق قبل كسمــــــــور هناك رتاع
قامولهن جنينا بالطلـــــــــق بتاع
يجيبوهن ردايف الصعب والطاع
يكافوبهن سوالف العقربن لطاع

عاشق البطانة
30-05-2010, 05:31 PM
شرق الله الوسيع بالحليل علي بقى جبدة
كل ما الشوق يهيج وعواطفي تاخد لبـدة
شوقا شواني صاب القلب وهـــرد الكبدة
مسجل في كياني كلما اطراه امسح وابدأ

ابو بكر عبد المنعم علي
31-05-2010, 01:00 PM
يااخوانا التفاؤل نعمة ديمة يريح الاعصاب
والزول البكون متشائم العصفور يشوفو غراب
والموت ياصحاب بالجملة اصبح مايدورلو اسباب
والعاقل يعيش ايامو مادام من تراب لي تــراب
هسي الماتو مننا عشرة تلقاهم ثمانية شباب
والتاسع يكون وسطاني والعاشر يكون ياداب

الهبانى
31-05-2010, 10:06 PM
سلام يا المنكم طالت ليالى سجونى
سلام يا الراجى تفتحو لى قوافى متونى
سلام يا رفاعه يا العسل الخليتو تنونى
فيها أسباب شفاى وأيضاً دواعى جنونى

الهبانى
31-05-2010, 10:50 PM
شرق الله الوسيع بالحليل علي بقى جبدة
كل ما الشوق يهيج وعواطفي تاخد لبـدة
شوقا شواني صاب القلب وهـــرد الكبدة
مسجل في كياني كلما اطراه امسح وابدأ

وين الصدرو طامح ومن وسط منهبده
وين الديســـو كُبسة ليل منافيه الربده
الخلانى ســـــــــــــــارح لا بعيد لا ببدا
كفلو الطــــاوى توبو وللعزاب مُعتمده

ابو بكر عبد المنعم علي
31-05-2010, 11:11 PM
سلام يا المنكم طالت ليالى سجونى
سلام يا الراجى تفتحو لى قوافى متونى
سلام يا رفاعه يا العسل الخليتو تنونى
فيها أسباب شفاى وأيضاً دواعى جنونى

حبابك يالوداك الزمن وجابك
ادخل لي جوا وانت تشوف براك
نحنا اهل الفزعا الوين ماتمش بنلقاك

ودالكموقه
02-06-2010, 12:21 AM
يا العاشق خواطرك ما تخليها تلبد صحيها
واطرا الديسا ليل وشلع البرق فى فيهااا
البعويناتا كاتلانا وخاما رويحتنا فى مشيها
الغربه ناهيانا وبى طيفن نفسنا بنعزيها



ودالاحمر

النوراني
04-06-2010, 02:16 PM
قال النوراني
سينك سهــــــر الزول وشغـــــل افكــــــــــارو
والفـــــــك ألّــــــــف الـــزول الكِتِـــــر دودارو
رائِــــك راحة الحُــــــب العظيمة أشعــــــــارو
وتائـــــِك تلتــــــــل الفرســـــان بشوفــُِن غاروِ

عاشق البطانة
05-06-2010, 05:06 PM
حباب النوراني خوي فارس خيمة الحاردلو
ودربك مو بعيد حتى الصغـــــــــــــــير بيدلو
شوف عربا كــــــــــتااار اليوم علينا اتدلوا
نوخو للزمل ونزلوا للحمل ولرباطهم حلوا

الهبانى
05-06-2010, 10:32 PM
حباب النوراني خوي فارس خيمة الحاردلو
ودربك مو بعيد حتى الصغـــــــــــــــير بيدلو
شوف عربا كــــــــــتااار اليوم علينا اتدلوا
نوخو للزمل ونزلوا للحمل ولرباطهم حلوا


نوخنا الزمل عِلا أبسدر بسرجو
وناسنا مهدمين قلنالن أصبرو أرجو
نحنا طلايع المنو الخبوب بندرجو
فشاشين كُرب سمحه أم مدافعاً رجو
***
ترحيبك عقب فينا وختم ما جانه
ونحن عرب بحر نورانى ما هو معانه
نحن الكافة العالم بعرفو نبانه
نحن أولاد فراش أهل التدق خبخانه
***
نحن المننا الحيا والعفاف إتعلم
ونحن بنركب الصعب العنيد مو ملجم
نحن بنكرم الضيفان بنعفا الدم
نحن الفقنا لى الوابل السحابو رزم
***

اسامة يوسف
05-06-2010, 10:42 PM
الليل حيلو روح والمؤذن صاح
ياود عيني ماتنوم ساعتين ترتاح
وين ما يلشقك ريح الجنوب لفاح
تذكر الدرعا الخلكا سماح

النوراني
06-06-2010, 12:22 PM
أخي عاشق البطانة لك مني كل الود والإحترام
عمرة مباركة و ترحيبي بك على الدوام ولمن يسمى هباني تعريف بالنواني
قال النوراني
حبــاب عاشق البطانة حبــــــاب سليل أم شانق
وحبـــــــــــــــاب الوجيــــــه للعمائم شــــــــــانق
نحن عرب بنطيّـــع الصهب أم عجاجـــــــاً زانق
لحويين فيافي دكاكين خصِمنا ولي أخونا نعانق

****
ياهباني
حُكمــــــك من بعيد وراني شيــــــئاً تاني
وأيه عرب البحـــــــر يامن تقول هباني
الكرم في الخلاء عرباً بِمِنِحوا الحاني
خالط للرجال وأعرف شيــــــــم نوراني
ياهباني

نحن الشيمة في بحــر الدميـــــرة الداوي
ونحن صاقعة الساريه أم صويواً خــاوي
نحن المحنة في الهجعــات تجـــدنا نلاوي
نحـــــن عــدونا بنذلـــــــوا ونزيدوا بلاوي


يا هباني
الكــــــرم في الفيافي ما في البحر وخديرتو
ولو عايز رجُـــــل أذهب هناك لي عشيرتو
عايش لرجُـــل وأعـــرف ملامــــح سيرتو
مُكرم وين رحل وحافظ محــــارِم جِرتــــــو

عاشق البطانة
06-06-2010, 07:42 PM
كل عربنا شجعــــــان والكرم ميراث
ركابين علي تيس قنة والعمــــــــاس
رجالا للضعيف بزيلو عوج الـــراس
فهما سديد لادواية لاكـــــــــــــــراس

ودالكموقه
06-06-2010, 09:21 PM
الكرم عاده يا النورانى مو دايرلو بكان
دى عاده مأصله فى كل قبائل السودان
كلكم تيلات من ظهور رجال فرسان
بتصونوا العروض وبتشبعوا الجيعان

الهبانى
07-06-2010, 09:07 PM
أخي عاشق البطانة لك مني كل الود والإحترام
عمرة مباركة و ترحيبي بك على الدوام ولمن يسمى هباني تعريف بالنواني
قال النوراني
حبــاب عاشق البطانة حبــــــاب سليل أم شانق
وحبـــــــــــــــاب الوجيــــــه للعمائم شــــــــــانق
نحن عرب بنطيّـــع الصهب أم عجاجـــــــاً زانق
لحويين فيافي دكاكين خصِمنا ولي أخونا نعانق

****
ياهباني
حُكمــــــك من بعيد وراني شيــــــئاً تاني
وأيه عرب البحـــــــر يامن تقول هباني
الكرم في الخلاء عرباً بِمِنِحوا الحاني
خالط للرجال وأعرف شيــــــــم نوراني
ياهباني

نحن الشيمة في بحــر الدميـــــرة الداوي
ونحن صاقعة الساريه أم صويواً خــاوي
نحن المحنة في الهجعــات تجـــدنا نلاوي
نحـــــن عــدونا بنذلـــــــوا ونزيدوا بلاوي


يا هباني
الكــــــرم في الفيافي ما في البحر وخديرتو
ولو عايز رجُـــــل أذهب هناك لي عشيرتو
عايش لرجُـــل وأعـــرف ملامــــح سيرتو
مُكرم وين رحل وحافظ محــــارِم جِرتــــــو

نحن نفسنا من تيها ومهانه مصـــونه
نحن حمانا محروسه وعوالى حصونه
نحن العندنا الذاد والقرش والمــــونه
تصرم عندنا القَحَبه التقــــول مأبونه
***
نحن عرب مأصله ما إندخل تيرابه
نحن إن شفتنا تحلف علينا صحابه
نحن بندخل الــــــــديه العكل دكنابه
كم فارساً عنيد عاضاً حريمو تُرابه
***
ويا النورانى أخوى وكتين زكرتك كاتب
مو تقليل قدر لكن قصدت أعــــــــــــــاتب
الناس من قديم فى الدنيا قـــــالو مراتب
قدرك ثابت أبســـم والعين بتعلا الشارب
***
ومن نمك بشوف نفسك على مضايق
إلا سمان حروفك وبرضو نمك شايق
أطرا الصدرو طامح وفى المجالس رايق
أكتب فيهو قول وأسمعنى غزل أم شانق
***
كرمك عندى واجب وإن غلطته أتراجع
ومن ما قمته درفون لا بخذ لا أتفاجــع
أطرب نمى لى قوق القمارى وســـاجع
أقبل منو دى ولا النصُد وأتناجــــــــــع


الحبيب النورانى لك العتبى حتى الرضاء وعندما قلت (نورانى ماهو معانا) قصدت لفت نظر عاشق البطانه بأنه فطه
مشاركتى وأنا ضيف جديد إلى مشاركتك وانت صاحب دار لكنها كانت جيده أن أخرجت من جُعبتك كل هذا الأدب الجم
لا تبخل ما دمت هكذا .

لك العتبى بعد الرضاء

الهبانى
07-06-2010, 09:14 PM
الكرم عاده يا النورانى مو دايرلو بكان
دى عاده مأصله فى كل قبائل السودان
كلكم تيلات من ظهور رجال فرسان
بتصونوا العروض وبتشبعوا الجيعان

كموقتاً منها الولد الســــــخى الدلعان
إحفظك الله تتبـــــــــاشر تعيش تقيان
منسول فوق جدوداً كُسراً ديـــــــــدان
تعيش مستور تبشر فوق فريع البان


تسلم ود الكموقه ولايعرف الرجال إلا الرجال

محمد الطيب عمر
10-06-2010, 05:54 PM
نحنا الفيك حاضرين يوم وقعت الكاينا
نحنا الفيك بيصدح بالصريح غناينا
ونحنا الفيك مجندل للتلوب هراينا
ونحنا الفيك اوسع من وطاتك راينا

محمد الطيب عمر
10-06-2010, 05:57 PM
الناس العلي الساحر بشقّوا الصيّ

أمسوا الليلة فوق راياً نجيض ما نيّ

ناس أب ترمة جاموس النحاس أب ديّ

عقدوا الشورة ميعادهم جبال كربيّ

محمد الطيب عمر
10-06-2010, 06:03 PM
غاب نجــــــــم النَطِح* والحر علينا إشتدَ‎
ضَيـَّـقـْنـــــا وقِصــــــر لَيلُو ونهــــارُوْ إمتدَّ‎
نَظِرة‎ ‎المنـــــــــــُّو للقانون بِقيـــت إتحدَّى‎
فتحـــت عنــــــدي منطقـــة‎ ‎الغُنا الإنســَدَّ‎

محمد الطيب عمر
10-06-2010, 06:33 PM
هنا الطيب ود ضحوية يتحدث عن نفسه وصاحبه طه الضرير :

قَجَّ السادرة فى الوادى أب نِعاماً دكَّك
وضايق سوقها قبال الضرير يتمكك
أنا أخو النايرة إن خِرِب الحديث واتلَكَّك
إت قدَّامى ماك ورَّانى مقطوع شكَّك


حفيرات السنط جيتن تعوم بي التنية
ناطح الشمعدانة عديلة مي منحنية
درعات العفا الكبد العسين منتنية
مي لافحاك يا تيس قنة ، بيك معتنية

ايدين أب تبوب شقيت وعرهن خاتر
جيت لي ام عود تجمع في النقع ماك فاتر
الحافظ حضورك ولي غيابك ساتر
أسرع واغلو يا الجمام قفاك متماتر

إجّمّع بعد شرف الحريحير طار
داني بعيد وبي المصعي وجري الحرحار
علي جريعة البنوني ومسكة اب محار
لولح راسة واتمرعف بلا السحار

محمد الطيب عمر
10-06-2010, 06:34 PM
ود الشلهمة
من شعراء البطاحين

يتغزل في البطانة

نار وجهِك خلاس وأصبح عريسك باش
وسيلِك بالمعالي وبالمراتِع كاش
نفسِك من سماحتو تحلى جابلو دعاش
وعربِك لي جفافُن جبدو البرّاش


******


مسك القبلة في كوع الشمال براقِك
وقشط سدرو في عامر سحابو وساقِك
تبونك قرنن والسيل دهك شقاقِك
الضايق نشوقك حار عليهو فراقِك


******


بعد دور الجفاف قام عِفرتِك مِتباري
وسحابِك نيلتو زرقة وبرقك يلفح فاري
إتكسا بالخدار وجهك الكان عاري
وإنعقدن رواينك يام نداياً تاري


*******


مبسوطة البطانة إتنعمت قدام
شابع قشها وقاسا المزرقن وقام
أخلو الدكة لا مخبر ولا حوام
ولي فيهن صديق روحاً ملاني غرام

محمد الطيب عمر
10-06-2010, 06:36 PM
قصبة منصح الوادي المخضر برو
قعدت قلبي تطوي وكل ساعة تفرو
ياخالق الوجود انا قلبي كاتم سرو
ما لقيت من يدرك المعنى وبيهو يبرو

محمد الطيب عمر
12-06-2010, 01:27 PM
مسدار للاخ بشرى البطنه
السيتوها في بعد المــــكانه العاليه
ضاقت الواسعه تب مسخت علي الحاليه
أوهمتونا بي بقـــــجة شلتت باليه
أغريتونا بي كــروشا ملانه بزاليه

الشكــكني في نفسي وأحارَ سؤالي
أنا يا الليله ما شف لـي طرحه تلالي
ما شفت القدل لافـــح تويبو العالي
والاسكيرتو إلا تشوفو فوق بنغــالي

أما العزبه حالا بالمحـــل ذاكرنو
وما تشوف ها الفِقَر قبلك كتير خادعنو
من كترة نجوض البيض ويوت سالقنو
قعدنا وكت نشوف الديك بنخجـل منو

ما تطرى ام وضيب لا حولها شايله الحفه
سنتين في رجاك ودمعها اتصــــفى
عدم البوخه سالها شقــوق ونصها جف
فرقها منك آب كـــدار سجاره وسفه

عاجت الدنيا واتبدل عمـــاري خراب
نكبة حظ وجور أزمـــان ونجما غاب
أغرز إيدي في النعمه واخـــمو تراب
أقول جا القمري يا بيتاي واقبضو غراب

وقال أيضاً في الغزل:
أنا كان عندي والي ولا صاحبي صليح
كان جنزرني ما دام قلبي ماهو نصيح
بقيت في صلاتي اتذكر هواها واصيح
أنم في الركعتين والباقـي اتمو نويح

قريقس قول لو قلبي الليله طاري نديدو
واضحت حالي زي حال المتلت قيدو
لي أمل الرجوع والماضي تاني أعيدو
ولاّ حكايتي زي جمل الطريفي وسيدو

ظِبَيَّا كان بيردن فوق مشارعي ضعنها
ذخيرتو الحيه في تمرة فـؤادي ركنها
علي الماقالو خرتت من وليها رسنها
سينا مساسق النمله المواليه سـكنها

خَتَفِي الحرقصن قـبله ومزنهن رشّ
دغدغ مهجتي وضرع المـوايق بشَّ
ريدتي وحات سبيباً فوق قصارك نشّ
ما خلف لي غير طاعون وروح منقشه

الوقفت قصادي وغمــزت لي عينيها
ديسا كابي لا عند القصار كـــاسيها
الخلاني ارح طول النـــهار باريها
شوف عيني البنات مرات يشاغلن فيها

سماحة البقعه والغوش المـلون زيف
ما بنسوني مريودي الطبيعه ظــريف
حالي الليله من فرق الملمو عـــفيف
حال فرعون بعد ما موسى وصل القيف

آه يا نفسـي من هذا الأذى المـحقون
نفسي سقيمه من العافيه راقــد دون
أنا والله من فرق المـــــتبر لون
بشيل الليل نويح وارجا النهار مغبون

عندك قاهر الجــن والإنس غبيوها
هيبة عنتر الكـــل العرب هابوها
ان سلطت علي أعمار البشر ولوها
ترد الروح بعد مُلاَّكها ما يشيلوها

تواريب ليمنا كل خريف بتبطل كافيه
متين يصدف مسورنا وتفتكرنا الجافيه
نتلقاها بي لهفة قــــــلوباً وافيه
رجلا راكبه في نعالين ورجلا حافيه

يا اب حلق القعاد طولنا فيهو خلاس
لاكين للأسف قاعدين مع اولاد ناس


دفق الحِرته والبكري القلاه المحماس
وهجم اللونو أنضف من دهب عباس